छविलाल निर्दाेष छन्, अदालतले यही पुष्टि गर्छ भन्ने विश्वास छ : पूर्वप्रधानमन्त्री दाहाल

कान्तिपुर संवाददाता

काठमाडौँ — गाेरखा फुजेलका कृष्ण अधिकारी हत्या प्रकरणमा हालै मात्र पुर्पक्षका लागि कारागार गएका छविलाल पाैडेल निर्दाेष भएकाे पूर्वप्रधानमन्त्री तथा नेपाल कम्युनिष्ट पार्टीका अध्यक्ष पुष्पकमल दाहालले बताएका छन् ।

शुक्रबार भरतपुरकाे पटिहानीमा भएकाे कार्यक्रममा दाहालले भने, 'हाम्राे विचारमा उहाँ निर्दाेष हुनुहुन्छ। केही दिनभित्र अदालतले पनि यही कुरा प्रमाणित गर्ने विश्वास हामीले लिएका छाैं।'

Yamaha

माअाेवादीले सञ्चालन गरेकाे सशस्त्र संघर्षका समयमा वि. सं २०६१ जेठ २४ मा गाेरखा फुजेलका कृष्ण अधिकारीकाे चितवन रत्ननगरमा हत्या भएकाे थियाे। जसकाे जिम्मा तत्कालीन विद्राेही माअाेवादीले लिएकाे थियाे।

उक्तहत्याविरूद्ध ७० चैत्रमा गाेरखाका छविलाल पाैडेललगायत १३ जना विरूद्ध चितवन जिल्ला अदालतमा मुद्दा दायर भएकाे थियाे। जिल्ला र पुनरावेदन अदालतले सबैलाई तारेखमा छाड्न भने पनि सर्वाेच्च अदालतले छविलाललाई पुर्पक्षका लागि थुनामा राख्न भनेकाे थियाे। तर, छविलाल कारागार चलान भएका थिएनन्।

लाेकतन्त्रमाथि नै प्रश्न चिह्नखडा हुन्छ कि भन्ने कुरा मिडिया र अन्यले उठाएपछि छविलाललाई अाफूहरूले जेल जान भनेकाे उनले बताए। 'लाेकतन्त्रकाे अभ्यासमा कही कतैबाट प्रश्न उठ्न नपाअाेस् भनेर हामीले छविलाललाई सर्वाेच्च अदालतमा हाजिर हुन भन्याैं। उहाँ अहिले डिल्लीबजारकाे खाेरमा हुनु हुन्छ,' दाहालले भने।

डाक्टर गाेविन्द केसीकाे सन्दर्भमा पनि सरकार संवेदनशील भएकाे दाहालले बताए। उनले भने, 'वार्ता टाेली बनाउने, चिकित्सककाे टाेली जुम्ला पठाएर डाक्टर केसीलाई काठमाडाैं ल्याउने, उहाँकाे जीवन रक्षा र वार्ताकाे वातावरण बनाउने कुरामा सरकारकाे तर्फबाट पहल सुरू भएकाे छ।'

Esewa Pasal

प्रकाशित : असार २९, २०७५ १६:२३
प्रतिक्रिया
पठाउनुहोस्
ADVERTISEMENT
ADVERTISEMENT

ठगी आरोपमा ओडीसीका सञ्चालक पक्राउ

जनकराज सापकोटा

काठमाडौँ — ओडीसी ईन्टरटेनमेन्टका सञ्चालक सिमान्त गुरुङलाई महानगरीय प्रहरी अपराध महाशाखाले पक्राउ गरेको छ । भारतीय नायक सलमान खानको उपस्थितिमा कन्सर्ट गर्ने भन्दै टिकट बिक्री गरेर कार्यक्रम नगरेको आरोप उनलाई लागेको छ ।

महाशाखाका एसएसपी धीरजप्रताप सिंहका अनुसार सिमान्तले ठगेको भन्दै दुई जनाले निवेदन दिएपछि उनलाई पक्राउ गरिएको हो। सिमान्तले कति टिकट बेचेका थिए र त्यसबाट कति रुपैयाँ ठगी भएको थियो भन्ने खुलेको छैन।

तीन वर्षअघि पनि ओडीसी ईन्टरटेनमेन्टले डिप पर्पल नामक कन्सर्ट गर्ने भन्दै टिकट बेचेर कार्यक्रम नगरेको अपराध महाशाखाले जनाएको छ।

प्रकाशित : असार २९, २०७५ १६:१९
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT