संघ र प्रदेशमा रहने कर्मचारीको संख्या टुंगियो, [हेर्नुहोस्, प्रदेशगत विवरण]

उनका अनुसार संघमा ४५ हजार ८१५ र प्रदेशमा १६ हजार ५७० कर्मचारी रहनेछन् । यसअघि समितिले स्थानीय तहको अन्तरिम व्यवस्थापनका लागि ५७ हजार ६९० कर्मचारीको दरबन्दी टुङ्ग्याएको थियो । संघ र प्रदेशको दरबन्दीलाई मन्त्रिपरिषद्को बैठकबाट स्वीकृत गराएर लागू गरिने मन्त्रालयका प्रवक्ता अधिकारीले बताए ।

प्रदेश १ मा

२ हजार ८०८

प्रदेश २ मा

२ हजार ३४३

प्रदेश ३ मा

२ हजार ६७३

गण्डकी प्रदेशमा

२ हजार २४७

प्रदेश ५ मा

२ हजार ५९७

कर्णाली प्रदेशमा

१ हजार ८४२

प्रदेश ७ मा

२ हजार ६० कर्मचारीको दरबन्दी रहने छ ।

प्रदेश तहमा पहिला क्षेत्रीय र अञ्चल कार्यालयमा रहेका कर्मचारी खटाइनेछ । उनले थारु आयोग, समावेशी आयोग, दलित आयोग, आदिवासी आयोग, मुस्लिम आयोगलगायत बाहेकका संवैधानिक आयोगमा रहने कर्मचारी दरबन्दी अझै टुङ्गिएको छैन् । अहिले करिब एक लाख १७ हजार दरबन्दीमा करिब एक लाख छ हजार मात्र कर्मचारी कार्यरत छन् ।