कान्तिपुर वेबसाईट
AdvertisementAdvertisement
२२.१२°C काठमाडौं
काठमाडौंमा वायुको गुणस्तर: १५५

डा. केसीको समर्थनमा जुम्लामा निषेधित क्षेत्र तोड्दै नेविसंघद्वारा प्रदर्शन

एलपी देवकोटा

जुम्ला — चिकित्सा शिक्षा तथा स्वास्थ्य क्षेत्रमा सुधारका लागि विभिन्न माग राख्दै १६ दिनदेखि अनसनरत डा. गोविन्द केसीको समर्थनमा नेपाल विद्यार्थी संघले जुम्लाको खलंगामा विरोध प्रदर्शन गरेको छ ।

डा. केसीको समर्थनमा जुम्लामा निषेधित क्षेत्र तोड्दै नेविसंघद्वारा प्रदर्शन

माथेमा प्रतिवेदन अनुसार नै चिकित्सा शिक्षा विधेयक संसदमा प्रस्तुत हुनुपर्ने तथा कर्णाली स्वास्थ्य विज्ञान प्रतिष्ठान, जुम्लामा एमबीबीएस लगायतका स्नातक तहका कक्षाहरु सुरु गर्नुपर्ने डा. केसीमा मागमा ऐक्यवद्धता जनाउँदै नेविसंघका केन्द्रिय उपसभापति रामप्रसाद अधिकारी, महामन्त्री कुन्दनराज काफ्ले लगायत जुम्ला नेविसंघका टोलीले विरोध प्रदर्शन गरेको हो ।


डा. केसीका मागहरु जायज भएकाले तत्काल सरकारले उनको माग सम्बोधन गर्दै उनको जीवनरक्षा गर्नुपर्ने उपसभापति रामप्रसाद अधिकारीले बताए । ‘सरकारले तत्काल वार्ता टोली गठन गरी डा. केसीका मागलाई सम्बोधन गर्नुपर्छ,’ उनले भने ।


नेविसंघले निषेधित क्षेत्र तोड्दै डा. केसीको आन्दोलनमा समर्थन जनाएका हो । जिल्ला प्रशासन कार्यालयले कार्यालय अगाडिको क्षेत्रलाई निषेधित घोषणा गरेपनि नेविसंघले सो क्षेत्र भित्रै प्रवेश गरेर विरोध र्‍यालि गर्दै खलंगाको कृष्ण मन्दिरमा कोणसभा गरेको थियो ।


डा. केसीमा मागहरु पुरा नहुँदासम्म नेविसंघ पनि आन्दोलनमा रहने नेविसंघका महामन्त्री कुन्दनराज काफ्लेले बताए ।

प्रकाशित : असार ३१, २०७५ १३:५६
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?