अम्बर पत्नी रहिनन्

२ बर्षअघि श्रीमान अम्बरको निधन भएयता रोगशोकले थलिएकी बिनालाई गत साता निमोनियाको आशंकामा ग्रान्डी भर्ना गरिएको थियो ।

झण्डै ४५ वर्षअघि अम्बरसागै दार्जीलिङबाट नेपाल आएकी बीना अपठित भएपनि अम्बर–संगीतको मिहिन रुपमा समीक्षा गर्ने सामथ्र्य राख्थिन् । ‘मेरी श्रीमती नै मेरो जीवन र संगीतको लगाम हो’,संगीतज्ञ अम्बर गुरुङले कतिपय अन्तर्वातामा भन्ने गरेका थिए ।

श्रीमती बिना बूढानिलकण्ठस्थित एक भाडाघरमा छोरीका साथमा बस्दै आएकी थिइन् । श्रीमती गुरुङको सोमबार बिहान पशुपति आर्यघाटमा अन्तिम संस्कार गरिने भएको छ । बीनाका ३ छोरा र एक छोरी छन् ।