समाचार
श्रावण १, २०७५

चिकित्सा शिक्षा विधेयक : के भन्छन् कार्यदल सदस्य ?

चिकित्सा शिक्षासम्बन्धी राष्ट्रिय नीति तर्जुमा उच्चस्तरीय कार्यदलका सदस्यहरूले आफूले दिएको प्रतिवेदनको भावना र मर्मअनुसार कानुन बनाए अनशनरत डा. गोविन्द केसी र सरकारबीच सहमतिको विन्दु पहिलिने बताएका छन् । 

डा. केसी अनशन : औपचारिक वार्ता हुन सकेन

जुम्लामा १८ दिनदेखि आमरण अनशनरत डा. गोविन्द केसीका मागका विषयमा मंगलबार पनि औपचारिक वार्ता हुन सकेन । सरकारी टोलीले पहिला डा.केसीलाई काठमाडौं ल्याउनुपर्ने अडान राखेपछि मागका विषयमा छलफल हुन नसकेको डा. केसीका प्रतिनिधिले बताएका छन् ।

ब्रिटिस आर्मीमा अब नेपाली महिला पनि

दुई सय वर्षभन्दा बढी समयदेखि ब्रिटिस सेनाको अभिन्न अंग रहेको ‘ब्रिगेड अफ गोर्खाज’ मा पहिलोपटक नेपाली महिलालाई समेत भर्ती गरिने भएको छ । सन् २०२० को वसन्त ऋतुसम्म नेपाली महिलालाई ब्रिटिस सेनामा अवसर प्रदान गर्न लागिएको हो ।

राजदूत सिफारिस : ‘संवैधानिक व्यवस्थाको अपव्याख्या’

पूर्वसंवैधानिक पदाधिकारीलाई राजदूत नियुक्त गर्दा संविधानत: स्वार्थ बाझिने हुनाले पूर्वप्रमुख निर्वाचन आयुक्त नीलकण्ठ उप्रेतीलाई भारतको राजदूतमा गरिएको सिफारिसमा पुनर्विचार गर्नुपर्ने सुझाव संवैधानिक मामिलाका जानकारहरूले दिएका छन् ।

अफ्रिकामा अलपत्रमध्ये २ घर फर्किए

अमेरिका जान भनी घरबाट २२ महिनाअघि हिँडेका र अफ्रिकी मुलुक नाइजेरिया पुगेर अलपत्र बनेका २३ नेपालीमध्ये २ जना बुधबार नेपाल फर्कने भएका छन् । 

ADVERTISEMENT
ADVERTISEMENT

प्रधानमन्त्रीसँग अयोग्य पूर्वलडाकुको ७ बुँदे माग

अयोग्य पूर्वलडाकुहरुले स्वेच्छिक अवकाश लिएका जनमुक्ति सेनासरह एकमुष्ठ आर्थिक प्याकेज दिनुपर्नेलगायत माग राखी प्रधानमन्त्री केपी ओलीलाई ध्यानाकर्षण पत्र बुझाएका छन् । 

दूतावास स्थापना दिवसको खर्च असहायलाई

इजरायलले आफ्नो स्थापनाको ७० वर्ष र मसाभ (इजरायली परराष्ट्र मन्त्रालयको अन्तर्राष्ट्रिय सहयोग निकाय) को स्थापनाको ६० वर्षको कार्यक्रममा लागि छुट्याएको रकम असहाय बालबालिकाको लागि उपयोग गरेको छ । 

चट्याङले लिन्छ वार्षिक २ सयको ज्यान

नेपालमा वार्षिक करिब २ सयको चट्याङका कारण मृत्यु हुने गरेको छ । गृह मन्त्रालयका अनुसार पूर्वी झापादेखि रूपन्देहीसम्मको क्षेत्र चट्याङ अति प्रभावित हो । 

संगठित सुन तस्करी : अनुसन्धान समितिको म्याद सकियो

सनम शाक्यको हत्या र हराएको ३३ केजी सुनको अनुसन्धान गर्न बनेको उच्चस्तरीय छानबिन समितिको म्याद सकिएको छ । चैत ३० मा मन्त्रिपरिषद्‍को निर्णयबाट गृह मन्त्रालयका सहसचिव ईश्वरीराज पौडेलको संयोजकत्वमा गठित नौ सदस्यीय समितिको म्याद सोमबार रातिदेखि सकिएको हो ।

भूकम्पपीडितको पैसा सक्न ‘कचहरी’ नाटक

बेलाबखत जादु हेर्न भीडभाड हुने गोरखाको पुरानो बसपार्कमा सोमबार छुट्टै चहलपहल थियो । दर्शकले नि:शुल्क मनोरञ्जन लिइरहेका थिए । कलाकार पैसा पर्दैन नि:शुल्क नाटक हेर्नुस् भन्दै चिच्याउँदै थिए ।

कसैको दबाबमा सरकारले निर्णय गर्दैन : प्रधानमन्त्री

प्रधानमन्त्री एवं नेपाल कम्युनिष्ट पार्टी (नेकपा) का अध्यक्ष केपी ओलीले सरकारविरुद्ध अफवाह फेलाइएको भन्दै प्रतिवाद गर्न पार्टी पंक्तिलाई निर्देशन दिएका छन् । केन्द्रीय कार्यालय धुम्बाराहीमा मंगलबार पार्टीका नेता, कार्यकर्ता र सर्वसाधरणसँग भेटघाट गर्दै प्रधानमन्त्री ओलीले उक्त निर्देशन दिएका हुन् ।

द्वन्द्व पीडितलाई ३ करोड ४७ लाख 

सशस्त्र द्वन्द्वका क्रममा विस्थापित, मृतक लगायत द्वन्द्व पीडित परिवारलाई जिल्ला प्रशासन कार्यालय जाजरकोटले ३ करोड ४७ लाख राहत वितरण गरेको छ ।

बनारसमा बन्धक बनाइएका दुई महिला फर्किए

भारतको उत्तरप्रदेश राज्यको बनारसमा बन्धक बनाइएकी बर्दियाका दुई महिला मंगलबार विहान फर्केका छन् । मधुवन नगरपालिकाकी ३२ र २८ वर्षिया ती महिला भारतको रुपैडिहा हुँदै यहाँ आएका छन् ।

नेकपाको महाधिवेशनमा भाग लिन अध्यक्ष पनि जित्नुपर्ने

नेपाल कम्युनिष्ट पार्टी (नेकपा) ले सबै कमिटीका पदाधिकारी र सदस्यले महाधिवेशन/अधिवेशनमा प्रतिनिधिका रुपमा भाग लिन अनिवार्य रुपमा निर्वाचित हुनुपर्ने वैधानिक व्यवस्था गरेको छ । 

मण्डलामा नयाँ शक्ति र नेविसंघको विरोध प्रदर्शन

नयाँ शक्ति पार्टी र नेविसंघले माइतीघर मण्डलामा छुट्टा छुट्टै प्रदर्शन गरेका छन् । नयाँ शक्ति पार्टीले मण्डलामा मात्रै प्रदर्शन गरेको थियो भने नेविसंघको झण्डासहितको जुलुस नयाँ बानेश्वर चाेक नजिकसम्म पुगेको थियो । दुवै प्रदर्शन सरकारले डा. गोविन्द केसीको अनशन प्रति देखाइरहेको रवैया निरंकुशतामाथि केन्द्रित थियो ।

धरान उपमहानगरका मेयर तारा सुब्बाको निधन

धरान उपमाहानगरपालिकाका मेयर तारा सुब्बाको उपचारको क्रममा मंगलबार निधन भएको छ । विगत एक सातादेखि 'सिभियर' निमोनिया भएपछि काठमाडौंको धापासीस्थित ग्राण्डी अन्तर्राष्ट्रिय अस्पतालमा उपचार गराइरहेको सुब्बाको बिहान ११ बजे निधन भएको हो ।

विषालु च्याउ खाएर फेरी एकको मृत्यु, एक सातामा एकै वडाका तीनको ज्यान गयो 

बिषालु च्याउ खाएर घोराही उपमहानगरपालिका १९ पाँचपोखरीका ४० वर्षीय चित्रबहादुर घर्तीको मृत्यु भएको छ । सोमवार बेलुका नजिकैको जंगलवाट च्याउ ल्याएर खाएपछि गम्भीर विरामी परेका घर्तीको उपचारका क्रममा मंगलबार विहान कोहलपुर मेडिकल कलेज बाँकेमा मृत्यु भएको प्रहरीले जनाएको छ ।

एकै दिन बाँडियो एक करोड !

समाज कल्याण परिषद्ले आर्थिक वर्षको अन्तिममा ३३ वटा संघ/संस्थालाई हचुवामा एक करोड रुपैयाँ दिएको छ । महिला, बालबालिका तथा जेष्ठ नागरिकमन्त्री एवं परिषद्की अध्यक्ष थममाया थापाको निर्देशन अनुसार आर्थिक वर्ष २०७४/७५ को ९९ लाख ७५ हजार रकम असार अन्तिममा बाँडिएको हो । रकम पाउनेमा धेरैजसाे मन्त्री थापा निकटका संस्था भएकाे स्राेतकाे दाबी छ । 

डा. केसीका प्रतिनिधि भन्छन्, 'वार्ताको वातावरण नै बनेन, सरकार पेलेर जाने रणनीतिमा छ' 

जुम्लामा १८ दिनदेखि आमरण अनशनमा रहेको डा. गोविन्द केसीका प्रतिनिधि र सरकारी बार्ता टोलीबीच मंगलवार औपचारिक वार्ता हुन सकेको छैन ।

एक वर्षमा छब्बीस गैंडा मरे

चितवन राष्ट्रिय निकुञ्जमा गत आर्थिक वर्षमा विभिन्न कारणले २६ वटा गैंडा मरेका छन् । निकुञ्जका सूचना अधिकारी नुरेन्द्र अर्यालका अनुसार जुँधेर, बच्चा जन्माउन नसकेर, बाढीले बगाएर र बुढो भएर ती गैंडा मरेका हुन् । 

कोशीमा भन्दा नारायणीमा पहिले पानी जहाज : पर्यटन मन्त्री

पर्यटन मन्त्री रविन्द्र अधिकारीले कोशीमा भन्दा पहिला नारायणी नदीमा पानी जहाज चल्ने बताएका छन् । मंगलबार सौराहामा पर्यटकीय बस सेवा उद्घाटन कार्यक्रममा मन्त्री अधिकारीले उक्त कुरा बताएका हुन् ।

सिसडोलमा फोहोरको डाँडो [फोटोफिचर]

नुवाकोटको ओखरपौवास्थित सिसडोल ल्यान्डफिल साइट चुलिएसँगै राजधानीका सडक, चोक र घर–घरमा फोहोरको डंगुर थुप्रिन थालेको छ । ल्यान्डफिल साइटमा बनेको ‘फोहोरको पहाड’ भास्सिन थालेकाले सातायता काठमाडौं, ललितपुर र भक्तपुरबाट फोहोर बोकेर पुगेका टिपर ‘फोहोरको पहाड’ चढ्न सकिरहेका छैनन् ।

ADVERTISEMENT

नक्कली अंशबण्डा गरी जग्गा बिक्री

सरकारले रोके पनि कारोबारीले चोर बाटोबाट धमाधम जग्गा प्लटिङ गरिरहेका छन् । उनीहरूले अंशबण्डाको नाममा जग्गा बिक्री गर्ने चोर बाटो समातेका हुन् । सरकारले अंशबण्डा र अति आवश्यकतामा मात्रै वर्षमा एकपटक एक कित्तासम्म खण्डीकरण गर्न सकिने नीति ल्याएपछि अंशबण्डा गर्न लगाएर प्लटिङ गराउन थालिएको छ ।

जिलेटिन आयो, प्रयोग भएन

तिंकर सडकमा चट्टान फोड्न सेनाले विस्फोटक पदार्थ (जिलेटिन) ढुवानी गरे पनि प्रयोग नगर्दा निर्माण कार्य प्रभावित भएको छ । जिलेटिन पुगेको तीन साता भइसक्दा पनि प्रयोगमा नआउँदा सेनाको दुर्गादल गुल्ममै थन्किएको छ ।

मापदण्डविपरीत क्रसर सञ्चालन

मापदण्ड पूरा नगरी अवैध ढंगले क्रसर उद्योग सञ्चालन गरिरहेका एक सञ्चालकले आइतबार आवश्यक कागजपत्र जिल्ला प्रशासन कार्यालयमा बुझाएका छन् । पालुङटार नगरपालिका–१ खोप्लाङको माई मनकामना क्रसर उद्योग सञ्चालकले कागजपत्र बुझाएका हुन् ।

३२ हजार कर्मचारीको जागिर धराप

करार तथा ज्यालादारीमा लामो समयदेखि कार्यरत कर्मचारीले मंगलबारदेखि सरकारी कार्यालयमा हाजिर गर्न नपाउने भएका छन् । सरकारी कार्यालयले औपचारिक रूपमा निष्कासनको निर्णय नगरे पनि उनीहरूलाई मंगलबारदेखि कार्यालय नआउन सूचित गरिसकेका छन् ।

कर्णालीमा आजदेखि ओपीडी सेवा बन्द

जुम्लामा अनशनरत प्रा.डा. गोविन्द केसीका मागप्रति ऐक्यबद्धता जनाउँदै कर्णाली प्रदेशका चिकित्सकले आन्दोलन सुरु गरेका छन् । नेपाल चिकित्सक संघका जुम्ला र सुर्खेत शाखाले सोमबार विज्ञप्तिमार्फत मंगलबारदेखि आकस्मिकबाहेकका सबै सेवा बन्द गर्ने जनाएका छन् ।