केसी समर्थकद्वारा प्रधानमन्त्री र शीर्ष नेताहरुलाई एसएमएस र टेलिफोन

विद्या राई

काठमाडौँ — डा. गोविन्द केसीको समर्थनमा वसन्तपुर डबलीमा सुरु भएको सामूहिक सत्याग्रहका सहभागीले प्रधानमन्त्री केपी ओली र सत्तापक्षका शीर्ष नेताहरुलाई टेलिफोन तथा एसएमएस गरी ध्यानाकर्षण गराएका छन् ।


नेतृत्वपंक्तिलाई उत्तरदायी बनाउन टेलिफोन तथा एसएमएसमार्फत ध्यानाकर्षण गराएको सांसद तथा डा. केसी समर्थक विराज भट्ट श्रेष्ठले बताए। उनीहरुले प्रधानमन्त्री ओलीलाई पहिलोपटक टेलिफोन गर्दा व्यस्त भएको जानकारी दिएका थिए। दोस्रोपटक प्रयास गर्दा स्वकीय सचिवले उठाएर ‘रङ नम्बर’ भनेका थिए।

तेस्रो पटकदेखि ‘कल डाइभर्ट’ भएको डा. केसी समर्थकप्रितमसुवेदीले बताए। ‘हामीले सचिवालयबाट टेलिफोन नम्बर लिएका थियौं, फोन नउठाउने अनेक बहाना भए,’ उनले भने। प्रधानमन्त्रीसँग फोन सम्पर्क नभएपछि उनीहरुले ‘हामीले कहिलेसम्म अनशन बस्नुपर्ने हो?’ भनेर एसएमएस गरेका थिए। त्यसको उत्तर भने अझै नआएको उनीहरुको भनाइ रहेको छ।

नेकपाका अध्यक्ष पुष्पकमल दाहालले पनि टेलिफोन र एसएमएसको जवाफ दिएका छैनन्।

शिक्षामन्त्री गिरिराजमणि पोखरेललाई फोन गरी प्रधानमन्त्रीलाई गरेकै प्रश्न सोधेका थिए। पोखरेलले ‘जहाँ जसका लागि बस्नुभएको छ, उसैलाई सोध्नुहोस्,’ भन्ने जवाफ दिएर बीचैमा फोन काटेको सुवेदीले बताए।
‘सोलिडारिटी फर डा. केसी अलायन्स’ को आयोजनामा आइतबार बिहान १० बजेबाट सुरु सत्याग्रहमा प्रा.डा. केदारभक्त माथेमा, अधिवक्ता ओमप्रकाश अर्याल, कृष्ण पहाडीलगायत ७० बढी नागरिक समाजका अगुवाहरुको सहभागिता छ।
सत्याग्रहमा ऐक्यबद्धता जनाउन कांग्रेस र विवेकशील साझा पार्टीका नेताहरु पनि पुगेका छन्।

प्रकाशित : श्रावण ६, २०७५ १५:०५
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

सडक अवरुद्ध

कान्तिपुर संवाददाता

काठमाडौँ — धादिङको धुनीबेसी नगरपालिका थाँक्रेमा ट्रकले एक ८ वर्षीय बालकलाई किच्दा आधा घण्टादेखि सडक अवरुद्ध बनेको छ । 

पृथ्वी राजमार्ग अन्तर्गत थाप्रेमा आइतबार दिउँसो सावा दुई बजे ना ६ ख ५१७७ नम्बरको ट्रकले ठक्कर दिदा मकवानपुर पालुङ घर भएका लक्ष्मण थापाका छोरा सुदिप थापाको घटनास्थलमै मृत्यु भएको हो।

खानी खोला प्रहरीका अनुसार काठमाडौं जाने र काठमाडौंबाट मुग्लिन आउने सवारी साधनहरु रोकिएका छन्। सडक सूचारु हुन अझै समय लाग्ने खानीखोला प्रहरीले जनाएको छ।

प्रकाशित : श्रावण ६, २०७५ १४:५१
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT