कान्तिपुरकर्मीलाई 'नेजा ग्रामीण पत्रकारिता पुरस्कार'
काठमाडौँ — यसवर्ष 'नेजा ग्रामीण पत्रकारिता पुरस्कार' कान्तिपुर दैनिकका ओखलढुंगा संवाददाता कुम्भराज राईलाई प्रदान गरिने भएको छ ।
नेपाल अमेरिका पत्रकार संघ (नेजा) ले ग्रामीण पत्रकारितामा क्रिशाशील पत्रकारलाई हरेक दुई वर्षमा उक्त पुरस्कार दिँदै आएको छ । पुरस्कार छनोट समिति संयोजक एवं नेजाका सल्लाहकार आङछिरिङ शेर्पाले नेजाको छैटौँ अधिवेशनको उद्घाटनमा आयोजित एक कार्यक्रममा राईको नाम घोषणा गरेका थिए । पुरस्कारको राशि २ लाख २२ हजार २ सय २२ रुपैयाँ नगद रहेको छ ।
काठमाडौंमा एक कार्यक्रमकाबीच उक्त पुरस्कार प्रदान गरिने आयोजकले जनाएको छ ।
प्रकाशित : श्रावण ६, २०७५ १५:२५