डा.केसीको स्वास्थ्य अवस्था बुझ्न पूर्वराष्ट्रपति शिक्षण अस्पतालमा

डा केसीका सहयोगी विशद दाहालले कुनै उपचार र औषधि नलिएका कारण डा.केसीको स्वास्थ्य गम्भीर बन्दै गएको अवगत गराए । पूर्व राष्ट्रपति यादवले केसीको स्वास्थ्यलाभको कामना गरेका छन् ।

जुम्लाबाट गत असार १६ गतेदेखि चिकित्सकीय सुधारको माग राख्दै आमरण अनशन सुरु गरेका डा केसीलाई गत बिहीबार सरकारले काठमाडौं ल्याएको थियो । पन्ध्रौँ पटक अनशन बसेका डा केसीसँग सरकारले वार्ताका लागि आह्वान गरिरहे पनि केसी पक्ष भने वार्तामा गएको छैन ।