नेपाली महिला बन्धक प्रकरणः वनारसमा पाँच पक्राउ

कमल पन्थी

वनारस(भारत) — दलालले बन्धक बनाएको नेपाली महिलाको उद्धारका लागि वनारसका एसएसपी आनन्द कुलकर्णीको नेतृत्वमा गएको सुरक्षा बलले घरमा छापा मारेको छ ।

भारतको उत्तरप्रदेश राज्य वनारसस्थित शिवपुर प्रहरी कार्यालय । नेपाली महिला बन्धक बनाइएको घरका मालिक समेत दलाल भएको आरोपमा पक्राउ गरिएकालाई यसै प्रहरी कार्यालयमा मुद्दा दायर गरिएको छ । तस्बिरःकमल पन्थी/कान्तिपुर

वनारसस्थित नटकनियादाईमा सोमबार राति जयसिंहको घरमा छापा मार्दै दुई महिला तीन पुरुषसहित पाँच जनालाई पक्राउ गरेको छ ।

Yamaha

यस अघि १ सय ५० महिला भने पनि घरका मालिकले ८० जना नेपाली महिला रहेको प्रहरीलाई बताए । छापा मार्नु पूर्व बन्धक बनाइएकी नेपाली महिलालाई दलालले दिल्ली पुराएको आशंका गरिएको एसएसपी कुलकर्णीले बताए ।

पक्राउ गरिएका जयसिंहले दलालका बारे केही महत्वपुर्ण सुराक प्रहरीलाई दिएका छन् । प्रहरीले नेपाली महिला बन्धक बनाइएको घरबाट ल्यापटप र डेस्कटप बरामद गरेको छ । प्रहरीले घरभित्र बरामद गरेको सुत्ने ओछ्यान,जर्किनको पानी, मदिरा र सुकुटी, तरकारी काटेको अवस्थामा फेला पारेको थियो ।

छापा मार्नु पूर्व सुराकी पाएकाले उनीहरु अन्यत्रै सिफ्ट भएको एसएसपी कुलकर्णीले बताए । करिब सय जना सुरक्षाकर्मीले राती एघार बजेदेखि विहान २ बजेसम्म सर्च अप्रेशन गरेका थिए । प्रहरीले केही महत्वपूर्ण सूचना पाएका कारण ती महिलाको उद्धारका लागि सादा पोशाकका प्रहरी परिचालित गरिएको जनाएको छ ।

उनीहरु विरुद्ध कारबाहीका लागि दबाब दिन भारतस्थित नेपाली दूतावास दिल्लीका काउन्सिलर एसएसपी पुरुषोत्तम कँडेल, बर्दियाका प्रहरी नायब उपरीक्षक युवराज खड्का, प्रशासकीय अधिकृत अर्जुन सुवेदी, मधुवन नगरपालिकाका मेयर कृष्ण केसी र बन्धक बनाई घर फर्केकी मधुवन नगरपालिकाका दम्पत्ती पुगेका थिए ।

स्थानीय अधिकारकर्मी राजिव सिंहसहितको टोलीले एसएसपी कुलकर्णीलाई नेपाली महिलाको उद्धारका लागि पहल गर्न आग्रह गरेका थिए । शिवपुरका प्रहरी निरीक्षक विजय कुमारले महिला अन्यत्र स्थान्तरण भएको सुराक थाहा भइसकेकाले चाडै पक्राउ हुने बताए ।

Esewa Pasal

प्रकाशित : श्रावण ८, २०७५ १९:२९
ADVERTISEMENT
प्रतिक्रिया
पठाउनुहोस्
ADVERTISEMENT

विराटनगरका ५ उद्योगमा सिलबन्दी

देवनारायण साह

मोरङ — खाद्य प्रविधि तथा गुण नियन्त्रण कार्यालयबाट खाद्य अनुज्ञा पत्र नै नलिई सञ्चालन गर्दै आएका विराटनगरका ६ वटा पानी उद्योगमा सिल गरिएको छ ।

एसएसएस जल उद्योग विराटनगर ६, विराटनगरको जामुनगाछीस्थित अक्वा पूजा पिउने पानी उद्योग, विराटनगर ४ बस्ताटोलमा निक्कीगंगा पिउने पानी उत्पादन गर्दै आएको गोमारानी उद्योग, हाहिमल वाटर इण्डस्ट्रिज विराटनगर १० मधुमारा, भूमिजल उद्योग विराटनगर १२ लाई सिल गरेको हो ।

प्रदेश १ का सामाजिक विकास मन्त्रालयको नेतृत्वमा जिल्ला प्रशासन कार्यालय मोरङ, आन्तरिक राजश्व, वाणिज्य कार्यालय, क्षेत्रीय खाद्य प्रविधि तथा गुण नियन्त्रण कार्यालय, उपभोक्ता हकहित संरक्षण मञ्च, पब्लिक फोरम, पानी उत्पादक महासंघलगायतको अनुगमन टोलीले मंगलबारसम्म अनुगमन गरेको २२ उद्योगमध्ये ५ वटा पानी उद्योग सिल गरेका हुन् ।

सामाजिक विकास मन्त्रालयका उपसचिव गोपीप्रसाद घिमिरेले शुक्रबारदेखि मंगलबारसम्ममा २२ वटा पानी उद्योगको अनुगमन गर्दा २१ वटा मापदण्ड पूरा नै नगरी सञ्चालनमा रहेको बताए ।

‘यहाँका अधिकांश उद्योगले पिउने पानी उत्पादनसम्बन्धी निर्देशिका २०७४ अनुसारको मापदण्ड पूरा गरेको छैन,’ उनले भने, ‘पानी उद्योगको अवस्था हेर्दा यहाँका अधिकांश उद्योगले उत्पादन गरेको पिउने पानी अस्वस्थ्यकर जस्तो लागेकोले परीक्षणका लागि नमूना संकलन गरिरहेका छौँ र परीक्षणपछि आएको परिणामको आधारमा कारबाहीको दायरामा ल्याउछौँ ।’

यहाँका अधिकांश उद्योगमा निर्देशिकामा उल्लेख भए अनुसारको उद्योगमा पानी भर्ने कोठाको पर्खालमा ५ फिटसम्म मार्वल टायल लगाउने, पानी भर्ने, प्लाण्ट, गोदम घर छुट्टाछुट्टै हुनुपर्ने, २० फिट दुरीमा शौचालय हुनुपर्ने, फूड ग्रेड गुणस्तरको स्टिलको पाइप र ट्यांकमात्रै उद्योगमा लगाउनु पर्ने, अटोमेटिक फिलिङ, यूबी स्टेबलाइजर र ओजोन ओस्मोशिस लगाउनुपर्ने लगायतको मापदण्ड पूरा नगरेको घिमिरेले बताए ।

‘नाम चलेका उद्योगी घारानाले सञ्चालन गरेको हुलास प्यूरिफाइड वाटर इण्डस्ट्रिज प्रालि विराटनगरले समेत मापदण्ड पूरा नगरेको अवस्था छ,’ उनले भने, ‘हुलासमा पानी भर्ने ठाउँमा मार्वल टायल नलगाएको र पानीमा पोटासियम प्रयोग गर्दै आएको पाइयो ।’

उनले हुलास पिउने पानीको बोतलमा ३० रुपैयाँ मूल्य उल्लेख गरिएको तर बिलिङ्ग प्रति बोतल १२ रुपैयाँ १२ पैसा मात्रै गरेको पाइएको बताए । उनले यहाँका अधिकांश उद्योगले उत्पादन गरेको पानीको मूल्यमा एकरुपता नरहेको बताए ।

घिमिरेले सामाजिक विकास मन्त्रालयले प्रदेशबासीलाई शुद्ध खानेपानीको सुनिश्चितताका लागि अनुगमन थालेको र प्रदेशभरिको पानी उद्योगको अनुगमन नियमित गर्ने बताए ।

प्रकाशित : श्रावण ८, २०७५ १८:५७
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT