तीनपांग्रे सवारीका चालकको आन्दोलन फिर्ता

रासस

रत्ननगर (चितवन) — चितवनको भरतपुरस्थित मुख्य राजमार्गमा तीनपांग्रे सवारी सञ्चालनमा रोक लगाउने भरतपुर महानगरपालिकाको निर्णयविरुद्ध आन्दोलन गर्दै आएका सवारी चालकले आन्दोलन फिर्ता लिएका छन् ।

बुधबार आन्दोलनको क्रममा देखिएको दृष्य । फाइल फोटो : कान्तिपुर फोटो विभाग ।

बुधबार साँझ निमित्त प्रमुख जिल्ला अधिकारी लक्ष्मीप्रसाद बास्कोटाको संयोजकत्वमा भएको सर्वपक्षीय छलफलमा पाँचबुँदे सहमति भएपछि तीनपांग्रे सवारी चालकले आन्दोलन स्थगित गरेका हुन् ।

Yamaha


साथै यसअघि महानगरपालिकाले कायम गरेको १८ वटा क्रसिङ प्वाइन्टसहितको सवारी रुटअनुसार नै सवारी सञ्चालन गर्ने सहमतिसमेत भएको भरतपुर महानगरपालिकाका प्रेस सल्लाहकार सुरेशचन्द्र अधिकारीले जानकारी दिए ।

साथै उक्त रुटमा सवारी सञ्चालनमा कुनै समस्या भएमा सहजताका लागि भरतपुर महानगरपालिकाका उपप्रमुख पार्वती शाहको संयोजकत्वमा एक कार्यदल समेत गठन गरिएको छ ।

उक्त बैठकले बुधबार प्रहरी र सवारी चालकबीच भएको झडपको घटनाप्रति दुःख व्यक्त गर्दै गोली लागी घाइते भएका नवलपुरको गैँडाकोट–४ का ३० वर्षीय महेन्द्र सुनारको उपचार भरतपुर महानगरपालिका र जिल्ला प्रशासन कार्यालय चितवनको समन्वय र व्यवस्थापनमा गर्ने निर्णय भएको छ ।

यसअघि महानगरको निर्णयविरुद्ध आन्दोलन गर्दै आएका तीनपांग्रे सवारी चालक र प्रहरीबीच बुधबार भरतपुरमा झडप हुँदै १५ सुरक्षाकर्मीसहित १९ जना घाइते भएका थिए ।

आन्दोलनकारीले ना १६ प ९४०७ नंको मोटरसाइकल जलाएका छन् भने पार्किङ गरिराखेको बा १६ च १९३८ नंको कार र ना १ ज ४९७५ नंको म्याजिक भ्यानसमेत तोडफोड गरेको प्रहरीले जनाएको छ ।

गत साउन ५ गतेको निर्णयअनुसार भरतपुर महानगरले भरतपुरको मुख्य सडकमा तीनपांग्रे सवारी सञ्चालनमा रोक लगाउने निर्णय गरेको थियो ।

प्रकाशित : श्रावण १०, २०७५ ११:४९
प्रतिक्रिया
पठाउनुहोस्

गरिबको आत्मसम्मानमा चोट

कान्तिपुर संवाददाता

काठमाडौँ — पहिलेको सरकारले करोडौं रुपैयाँ खर्च गर्दै पश्चिमी पहाडका केही जिल्लामा १० वर्ष लगाएर ९००० विपन्न नागरिकको पहिचान गरी सगौरव गरिबीको प्रमाणपत्र वितरण गरेको खबर सार्वजनिक भएको थियो ।

त्यतिबेला तथ्यांक संकलन गर्नलागेको अकुत खर्च विकासमा लगाएको भए त्यसले सकारात्मक सन्देश प्रवाह गरिसक्ने थियो । नेकपाको शासनमा यस्तो हीन भावनाले ग्रसित संस्कार नदोहोरिने सबैले आशा राखेका थिए । तथापि साउन ४ गते पहिलेको क्रियाकलापभन्दा पनि तल ओर्लेर गतिछाडा भई धनगढी उपमहानगरपालिका क्षेत्रमा गरिबीको प्रमाणपत्र वितरणको नौलो कार्यक्रम थालनी भएको खबर सार्वजनिक भएपछि चेतनशील वर्ग मर्माहत बन्नु स्वाभाविक हो । यतिसम्म कि तन्नम गरिबलाई रातो, मध्यम गरिबलाई पहेंँलो र सामान्य गरिबलाई निलो परिचयपत्र दिने निकृष्ट कार्यको थालनी भएको छ ।


वास्तवमा संघीय, प्रादेशिक सरकार आफ्ना जनताको गरिमा, अस्मिता जोगाउन लागिपरेको देखिएन । गरिबीको परिचयपत्रको साटो अभिभावकको भूमिका खेल्ने सरकारले तल्लो तहका जनतालाई अत्यधिक लाभ हुने कार्यक्रम दिएर विकासमा होमिन अग्रसर गराउनुपर्ने हो । कतै जनतालाई पंगु बनाएर मागिखाने भाँडो त बनाउन खोजिएको होइन ? भीआईपीहरू चाहिँं रातो राहदानी बोकेर आनन्दसँग संसार घुम्ने अनि जनतालाई त्यही रंगमा लतपत्याएर गरिबीको पगरी भिराइदिने ? यसबाट सर्वसाधारणको सम्मान भएको छ कि अपमान ? गरिबीको परिचयपत्रको साटो दक्षता अनुसारको कदरपत्र दिएको भए निमुखाको आत्मसम्मान बढ्ने थियो ।
– भुवनेश्वर शर्मा
चन्द्रागिरि–२, काठमाडौं

प्रकाशित : श्रावण १०, २०७५ १०:५८
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT