चोरी मुद्दाका फरार व्यक्ति पक्राउ

हाल ककनी गाउँपालिका-८ मा बस्ने ४९ वर्षीय सुनुवारलाई विभिन्न ३१ वटा मुद्दामा ३४ लाख ७२ हजार ५९१ जरिवानाको फैसला भएको थियो । उनलाई जिल्ला अदालत काठमाडौंको आदेशमा कैद भुक्तानको लागि केन्द्रीय कारागार कार्यालय सुन्धारा पठाइएको छ ।

सुनुवारसमेत ४ जना प्रतिवादीहरुले फरक मितिमा काठमाडौंका विभिन्न स्थानबाट सुनको सिक्री, गरगहना तथा धनमालहरु चोरी गरेका थिए । उनीहरुले चोरीका गहनाहरु प्रतिवादी सुनुवारले सञ्चालन गरेको पञ्चकन्या ज्वेलर्समा लगी प्रचलित मूल्यभन्दा सस्तोमा बिक्री गरेका थिए ।