कान्तिपुर वेबसाईट
AdvertisementAdvertisement
२४.१२°C काठमाडौं
काठमाडौंमा वायुको गुणस्तर: १३४

चुम्लिङटार दुर्घटनाका मृतक सबैको सनाखत 

एकै घरका आमा, छोरा र छोरीको मृत्यु
रमेशकुमार पौडेल

चितवन — शुक्रबार दिउँसो पृथ्वीराजमार्गको इच्छाकमना गाउँपालिका–३ कुरिनटारनजिक चुम्लिङटारमा बस दुर्घटना हुँदा मृत्यु भएका सबै ८ जनाको सनाखत भएको छ । शुक्रबार अवेलासम्म ६ जनाको मात्रै सनाखत भएको थियो ।

चुम्लिङटार दुर्घटनाका मृतक सबैको सनाखत 

शनिबार बिहान तनहुँ भानु–५ की १८ वर्षीया कविना श्रेष्ठ र १३ महिनाका शिशु रविन्द्रबहादुर रानामगर रहेको चितवन प्रहरीले जनाएको छ । उनी धादिङ निलकण्ठ नगरपालिका–६ सुनौलो बजारका हुन् । रविन्द्रकी आमा २१ वर्षीया रमिता रानामगर घाइते छन् । उनको भरतपुरको मनकामना अस्पतालमा उपचार भइरहेको छ । अस्पताल प्रशासनले उनको अवस्था पनि गम्भीर भएको जनाएको छ ।


कविना श्रेष्ठकी आमा र दाजुको पनि दुर्घटनामा ज्यान गएको चितवन प्रहरीले जनाएको छ । दुर्घटनाका मृतकमध्ये ४७ वर्षीया कमला श्रेष्ठ कविनाको आमा र २७ वर्षका सुमित श्रेष्ठ उनको दाजु भएको प्रहरीले जनाएको छ ।

काठमाडौंबाट पोखरा हुँदै स्याङ्जा जाँदै गरेको ना ६ ख २५०६ नम्बरको बस ना ५ ख ७४०९ नम्बरको ट्रकसँग शुक्रबार मध्यान्ह ११ बजेर ५० मिनेट जाँदा ट्रकसँग ठोक्किएको थियो । दुर्घटनामा पाल्पा बेगनास कालिकाका अर्जुन न्यौपाने, काठमाडौंका रबिन गुरुङ, तनहुँ केशवटारका बाबुराम तिवारी, भारत मोतिहारी बेतियाका फिरोज मियाँको पनि मृत्यु भएको छ ।


घाइतेमध्ये १० जनाको भरतपुरमा, ५ जनाको पोखरामा एकजनाको काठमाडौं र एक जनाको धादिङ मलेखुमा उपचार भएको चितवन प्रहरीले जनाएको छ ।


बसका चालक स्याङ्जाका ५१ वर्षीय उदयराज लामिछाने पनि घाइते छन् । बाटोमा अचानक ट्रक देखिएको र ब्रेक लगाएको बसका घाइते चालक लामिछानेले बताए । चितवन जिल्ला प्रहरी कार्यालयका प्रवक्ता प्रहरी नायब उपरीक्षक (डीएसपी) प्रभुप्रसाद ढकालका अनुसार ट्रकसँग ठोक्किएपछि बस सडकबाट १५ फिट तल खसेर खोँचमा अड्केको थियो । त्यहाँ नअड्केको भए बस त्रिशुली नदीमा खस्थ्यो ।


उपचाररत घाइतेहरु


१. जिल्ला धादिङ गजुरी बस्ने बर्ष २२ को सन्तोष सुवेदी (मध्यम ९ गजुरी धादिङ लगेको)


पुरानो मेडिकल कलेज भरतपुरमा उपचाररत घाइतेहरु

१. बस चालक जिल्ला स्याङजा पुतली बजार नपा १ बस्ने बर्ष ५१ को उदयराज लामिछाने दाहिने हातमा चोट (मध्यम) ।

२. जिल्ला चितवन कालिका नपा शक्तिखोर बस्ने बर्ष ९ को क्रिस गुरुङ टाउकोमा चोट (मध्यम)

३. जिल्ला कास्की पोखरा बस्ने बर्ष ४५ को भक्त ब. बस्नेत ( गम्भिर)

४. जिल्ला नुवाकोट बिदुर नपा ५ बस्ने बर्ष १८ को सौजन गजुरेल, (मध्यम )

५. जिल्ला कास्की पोखरा बस्ने बर्ष २५ को मेघ बहादुर पुन ( मध्यम)

६. जिल्ला तनहु डुम्रे भन्सार बस्ने बर्ष ५१ को बिष्णु कु. श्रेष्ठ ( मध्यम)


मनकामना अस्पताल भरतपुरतमा उपचाररत घाइतेहरु

१. जिल्ला धादिङ निलकण्ठ नपा ६ बस्ने बर्ष २१ की रमिता राना, (गम्भिर)

२. जिल्ला स्याङजा वालिङ नपा ९ बस्ने बर्ष ४० को प्रमोद पंगेनी (गम्भिर)

३. जिल्ला पर्वत कुश्मा नपा १४ बस्ने षबर्ष ४० को बासुदेव पौडेल, (गम्भिर)

४. जिल्ला तनहुं छिन्केश्वरी गापा ५ बस्ने बर्ष ५५ की प्रतिमांया गुरुङ (गम्भिर)


पोखराको मणिपाल अस्पतालमा लगिएका घाइतेहरु

१. जिल्ला स्याङजा वालिङ नपा ९ बस्ने बर्ष ४० को एनएल गर्चन

२. जिल्ला स्याङजा वालिङ नपा १३ बस्ने बर्ष ३५ को रमेश थापा

३. जिल्ला स्याङजा वालिङ नपा १२ बस्ने बर्ष ३२ को निमेश न्यौपाने

४. जिल्ला स्याङजा वालिङ नपा ८ बस्ने बर्ष ३५ को दिल बहादुर थापा

५. जिल्ला स्याङजा पुतली बजार बस्ने बर्ष २५ को मिन प्रसाद तिवारी


छाउनी अस्पताल काठमाडाैं लगिएका घाइतेहरु

१। जिल्ला तनहुँ भानु नपा ६ बस्ने बर्ष ४५ को राम बहादुर खडका, आर्मीको लप्टन

प्रकाशित : श्रावण १२, २०७५ ०७:५०
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?