अपडेट: प्रधानन्यायाधीशमा जोशी अस्वीकृत
काठमाडौँ — प्रधानन्यायाधीशमा सिफारिस दीपकराज जोशीलाई संसदीय सुनवाई समितिले अस्वीकार गरेको छ । प्रतिपक्षी नेपाली कांग्रेसका सांसदहरुले समितिको बैठक बहिस्कार गरेपछि सत्तारुढ दलका दुई तिहाई बहुमत सांसदले अस्वीकार गरेको हो ।
शुक्रबार बिहानदेखि सुनुवाइ समितिकाे कार्यालय सिंहदरबारमा बैठक भएको थियो । बैठकमा सत्तारुढ दलका सांसदले अस्वीकार गर्ने भएपछि कांग्रेसका सांसदहरुले बैठक बहिस्कार गरेका थिए ।
संसदीय सुनुवाई बिशेष समितिले सिफारिस भएका ब्यक्ति अस्वीकार गरेको यो पहिलो पटक हो ।
झण्डै पाँच घण्टा चलेको बैठकले सर्वसम्मत निर्णय गर्न नसकेपछि बहुमतको आधारमा जोशीलाई अस्वीकार गर्न लागिएको हो ।
समितिमा रहेको कांग्रेसका चार सांसदले बैठक बहिस्कार गरे भने नेकपामा ९ र संघीय समाजवादीका १ गरी १० जनाले अस्वीकार गरेका हुन् । राष्ट्रिय जनता पार्टीका लक्ष्मणलाल कर्ण समितिका सदस्य छन् ।
प्रमुख प्रतिपक्षी कांग्रेसले प्रधानन्यायाधीशमा सिफारिस दीपकराज जोशीको नाम अस्वीकृत गर्ने प्रक्रियामा सहभागी नहुने चेतावनी दिएपछि संसदीय सुनुवाइ विशेष समितिले बुधबार पनि निर्णय दिन सकेकाे थिएन ।
जोशीलाई प्रधानन्यायाधीशका लागि स्वीकार गर्ने/नगर्ने भन्नेमा बुधबार दिनभर दुवै दलका शीर्ष तहदेखि समितिका सदस्यहरूबीच लामो माथापच्ची चलेको थियो । समितिको अध्यक्षता गर्दै आएका ज्येष्ठ सदस्य लक्ष्ममणलाल कर्णले प्रक्रिया अघि बढाउने विषयमै सहमति नजुटेपछि शुक्रबारका लागि बैठक सारिएको थियाे।
याे पनि पढ्नुहाेस् ।
जोशीको प्रधानन्यायाधीश पद नेकपाको हातमा !
पेचिलो बन्दै प्रधानन्यायाधीश नियुक्ति, संसदीय समितिको बैठक सोमबार २ बजेलाई सर्यो
प्रधानन्यायाधीश नियुक्तिमा अन्योल
कामु प्रधानन्यायाधीश जोशीको प्रमाणपत्र : परीक्षा दुईतिर, सिम्बोल नम्बर एउटै
कामु प्रधानन्यायाधीश जोशीलाई सांसदको प्रश्न – राजस्वको मुद्दामा सरकार किन सधै पराजित हुन्छ ?
प्रकाशित : श्रावण १८, २०७५ ११:१५