अधिकृत नहुँदा इलाका प्रशासन बन्द

उक्त भेग सदरमुकाम आउन २ दिन लाग्छ । ‘नागरिकताको काम सकेर घर फर्कंदा ५ दिन लाग्छ,’ गुम्देलका शिव बस्नेतले भने ।

जिल्ला प्रशासनले उमाकुण्ड र गोकुलगंगाका साबिक ११ गाविसलाई सेवा प्रदान गर्ने गरी खोलिएको उक्त कार्यालय गत भदौ ९ देखि बन्द भएको हो । त्यसअघि मुस्किलले ९ महिना चलेको थियो । अधिकृत अभावमा नागरिकता जारी गर्न नसकेपछि कार्यालयका अन्य कर्मचारी पनि जिल्ला प्रशासनमै हाजिर गरिरहेका छन् ।

प्रजिअ कृष्णप्रसाद शर्माले बन्द इलाका प्रशासन चाँडोभन्दा चाँडो सञ्चालनमा ल्याउन गृह मन्त्रालयसँग पहल भइरहेको बताए । अधिकृत खटाउनेबित्तिकै सेवा सुरु हुने उनको भनाइ छ । इलाका प्रशासन सञ्चालन माग गर्दै उमाकुण्ड गाउँपालिकाका अध्यक्ष शेरबहादुर सुनुवारले गृहमन्त्री रामबहादुर थापालाई २ महिनाअघि नै ज्ञापनपत्र बुझाएका थिए ।