वरिष्ठ कलाकार मिश्रको निधन
काठमाडौँ — वरिष्ठ चित्रकार एवं साहित्यकार मनुजबाबु मिश्रको ८३ वर्षको उमेरमा गएराति हृदयाघातका कारण निधन भएको छ ।
आफ्नै निवासमा सुतेको अवस्थामा राति दुई बजे उनको निधन भएको पारिवारिक स्रोतले जनाएको छ । उच्च रक्तचापबाट ग्रसित मिश्र दुई दशकदेखि आफ्नो निवास (गुफा)बाट बाहिर निस्केका थिएनन् ।
उनको आत्मकथा ‘हर्मिताजः अढाइ दशक गुफामा’ दुई वर्षअघि प्रकाशित भएको थियो । मिश्र विवेकशील साझा पार्टीका संयोजक रवीन्द्र मिश्रका बुबा हुन् ।
कान्छो छोरा विदेशबाट आएपछि मिश्रको अन्त्येष्टि गरिने परिवारले जनाएको छ । कान्छो छोरा भोलिसम्म नेपाल आइपुग्ने बताइएको छ । उनका श्रीमती, दुई छोरा र दुई छोरी छन् ।
प्रकाशित : श्रावण २३, २०७५ १०:३२प्रतिक्रिया
