तीन गैरआवासीय राजदूत नियुक्त
काठमाडौँ — अस्ट्रेलियाका लागि नेपाली राजदूत लक्की शेर्पा गणतन्त्र फिजीको पनि गैरआवासीय राजदूत भएकी छन् । इजिप्ट र अस्ट्रियाका लागि नेपाली राजदूत झवीन्द्रप्रसाद अर्याल र प्रकाशकुमार सुवेदीलाई पनि क्रमश: लिबिया र स्लोभेनियाका लागि गैरआवासीय राजदूतको जिम्मेवारी दिइएको छ ।
राष्ट्रपति विद्यादेवी भण्डारीले संविधानको धारा २८२ को उपधारा (१) बमोजिम मन्त्रिपरिषदको सिफारिसमा बुधबार उनीहरूलाई नियुक्त गरेकी हुन् ।