विराटनगर महानगरमा बम बिस्फोट, ८ जना नियन्त्रणमा [अपडेट]

विनोद भण्डारी

विराटनगर — विराटनगर महानगरपालिकाको कार्यालयमा बम विस्फोट भएको छ । मेयर भीम पराजुलीको कार्यकक्ष अगाडिको प्यासेजमा बम विस्फोट भएको हो । बिस्फोटमा कुनै मानवीय क्षति भएको छैन ।

बिस्फोट कसले गरायो भन्ने थाहा हुन सकेको छैन।बम बिस्फोट हुँदा मेयरको कार्यकक्षमा उपमेयर इन्दिरा कार्कीलगायत केही वडाध्यक्ष उपस्थित थिए।

Yamaha

विस्फोटको घोर भर्त्सना गर्दै मेयर पराजुलीले संविधान र वर्तमान राज्य संरचना नमान्नेहरुले विस्फोट गराएको हुनसक्ने बताए।आफूलाई कुनैपनि पक्षबाट धम्की नआएको उल्लेख गर्दै उनले जनताका प्रतिनिधि बसेर जनताकै काम गर्नेलाई लक्षित गरी विस्फोट गराउनु घोर निन्दनीय भएको बताए। विस्फोटको अहिलेसम्म कसैले जिम्मेवारी लिएको छैन। अहिले महानगरपालिकाको आकस्मिक बोर्ड बैठक बसिरहेको छ।

यसैबीच विस्फोट नेत्रविक्रम चन्द समूहका माओवादी कार्यकर्ताले गराएको आशंका गरिएको छ। २९ गते नेपाल बन्दलाई सफल पार्न आइतबार र सोमबार उनीहरुको प्रचारात्मक कार्यक्रम रहेकाले यो विष्फोट उनीहरुले नै गरेको आशंका गरिएको छ।

तर यसलाई मोरङ प्रहरीले आधिकारीक रुपमा पुष्टी गरेको छैन। विस्फोटमा संलग्न भएको आशंकामा प्रहरीले ८जनालाई नियन्त्रणमा लिएको प्रहरी उपरीक्षक मनोज केसीले बताए। तर उनीहरुको नाम सार्वजनीक गरिएको छैन।

प्रकाशित : श्रावण २७, २०७५ १४:५८
ADVERTISEMENT
ADVERTISEMENT
प्रतिक्रिया
पठाउनुहोस्

डेढ वर्षमा बन्ने भनेको भवन १० वर्षमा बन्यो

विनोद भण्डारी

विराटनगर — डेढ वर्षमा निर्माण पुरा गर्ने सर्तमा दशकअघि निर्माण सुरु भएको पथरी प्राथामिक अस्पतालको भवन बल्ल निर्माण पुरा भएको छ ।

पथरी प्राथामिक अस्पतालको १ करोड १४ लाखको लागतमा निर्मित नयाँ भवन ।  तस्बिरः विनोद भण्डारी/कान्तिपुर

स्थानीय दर्जन समाजसेवीले साढे १२ कठ्ठा जमिन अस्पताललाई निशूल्क उपलब्ध गराएपछि सरकारले त्यहाँ २०६७ सालमा दुईतले भवन निर्माण सुरु गरेको थियो ।

भवन निर्माणका लागि एमके कन्स्ट्रक्सनलाई १ करोड १४ लाखमा ठेक्का दिएको थियो । तर ठेकेदारले काम सुरु गरेर बीचमा काम बन्द गर्दा निर्माण पुरा हुन लामो समय लागेको हो ।

ठेक्का लिएको काम समयमा पुरा नगर्ने र काम नगर्ने ठेक्दारलाई सरकारले कारबाहीको निशानामा राखेपछि पछिल्लो समय ठेक्दारले झटपट काम पुरा गरेर एकसाताअघि भवन हस्तान्तरण गरेको पथरी नगरपालिकाका स्वास्थ्य संयोजक मुरारी आचार्यले बताए ।

यो सँगै निर्माण सुरु गरिएको डाँगीहाट र कटहरीको स्वास्थ्य चौकीको भवन क्रमश ६ महिना र एकवर्ष पहिला निर्माण भइसकेको छ ।

पथरी प्राथामिक अस्पतालको १६ कोठा भएको दुई तले नयाँ भवनमा अस्पतालसहित बर्थिङ सेन्टरपनि सञ्चालन गर्ने नगरपालिकाको योजना छ ।

स्वास्थ्य संयोजक आचार्यका अनुसार पथरीको जनसंख्याका आधारमा यस अस्पतालमा तत्काल १५ बेडको व्यवस्था गर्ने तयारी छ ।
पथरीको जनसंख्या बढेसँगै अस्पताललाई ५० शैयाको बनाउने तयारी भइरहेको छ ।

प्रकाशित : श्रावण २२, २०७५ १४:५०
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT