विराटनगर बम बिस्फोटको जिम्मा गोइत समूहले लियो
राजविराज — प्रदेश १ को राजधानी विराटनगर महानगरपालिकाको कार्यालयमा आइतबार दिउँसो भएको बम बिस्फोटको जिम्मा जनतान्त्रिक तराई मुक्ति मोर्चा (क्रान्तिकारी)ले लिएको छ ।
मोर्चाका अध्यक्ष जयकृष्ण गोइतले विज्ञप्ति जारी गरी बिस्फोट आफूहरुले गराएको दाबी गरेका हुन् । उनले आफ्नो संगठन सप्तरी र सिरहा जिल्लामा मात्र सीमित नरहेको जानकारी दिन तथा बन्दुकको बलमा गरिएको तीन तहको निर्वाचनले निरंकुश शासनको निरन्तरता भएकाले त्यसको विरोधमा विस्फोट गराएको बताए ।
गोइतले आफूहरु हतियार र बिस्फोटबाट नै तराईलाई मुक्त गर्ने अभियानमा रहेको बताए ।
प्रकाशित : श्रावण २७, २०७५ १८:१६प्रतिक्रिया