भेरी–बबई डाइभर्सन: साढे ६ किमि सुरुङ खनियो

कमल पन्थी

बर्दिया — भेरी–बबई बहुउद्देशीय डाइभर्सन आयोजनामा टनेल बोरिङ मेसिन (टीबीएम) ले साढे ६ किमि सुरुङ खनेको छ । सुरुङ खन्दा सबैभन्दा बढी जोखिम मानिएको तोला खोला पार भएको छ ।चुरे पहाडको तोला खोला आसपासको क्षेत्र निकै जोखिमपूर्ण मानिएको थियो ।

यो क्षेत्रमा जमिनदेखि २ सय मिटरमुनिबाट सुरुङ खनिएको छ । जोखिम टरेपछि आयोजनाका कर्मचारी लक्ष्यभन्दा चाँडै सुरुङ निर्माण हुने बताउँछन् ।


आयोजनाका डिभिजनल इन्जिनियर अजय अधिकारीले टीबीएम मेसिन जोखिम क्षेत्र पार गर्दै करिब ५ सय मिटर पर पुगेको बताए । ‘सन् २०२० सम्म १२ किमि सुरुङ खन्ने लक्ष्य रहेकामा साढे ६ किमि खन्ने काम पूरा भएको छ,’ उनले भने, ‘टीबीएमले दैनिक ४० देखि ५० मिटरसम्म सुरुङ खन्ने काम गरिरहेको छ ।’

Yamaha


आयोजनाअन्तर्गत भेरी नदीको पानी खसालेर बर्दिया र बाँकेको ५१ हजार हेक्टरमा सिँचाइ सुविधा पुर्‍याउने उद्देश्यका साथ ३ वर्षअघि काम सुरु भएको हो । यसबाट ४८ मेगावाट विद्युत् उत्पादन गर्ने लक्ष्य छ । सुरुङ खन्ने र विद्युत् उत्पादन गर्न ०७१ माघ १५ गते चीनको चाइना ओभरसिज इन्जिनियरिङ ग्रुपसँग सम्झौता भएको थियो । सोही वर्ष चैतमा तत्कालीन प्रधानमन्त्री सुशील कोइरालाले आयोजना शिलान्यास गरेका थिए ।


भेरी नदीको पानी भेरीगंगा नगरपालिका ९, चिप्लेदेखि भेरीगंगा १, हात्तीखालमा खसालेर सिँचाइ सुविधा पुर्‍याउने उद्देश्य रहेको डीई अधिकारीले बताए । १ सय ५० मिटरसम्म परम्परागत प्रविधिबाट खनेपछि टीबीएम मेसिन प्रयोग गरी सुरुङ खन्ने काम अगाडि बढाइएको थियो ।


ड्रिल मेसिन प्रयोग र ब्लास्ट गरी १ सय ५० मिटर सुरुङ खनिएको थियो । परम्परागत प्रविधिबाट सम्भव नभएपछि अमेरिकी कम्पनी रविन्सनले निर्माण गरेको टीबीएम मेसिन चीनबाट ल्याइएको हो । ५४ वटा टीबीएम मेसिन सञ्चालनका लागि सय जना चिनियाँ प्राविधिक खटिएका छन् ।


५ सयभन्दा बढी नेपाली कामदार पनि संलग्न छन् । सुरुङको चौडाइ करिब साढे ५ मिटर छ । सुरुङ खन्दा माटो बाहिर ल्याउन र सेगमेन्ट लिन मोनोरेल प्रयोग गरिएको आयोजनाले जनाएको छ । आयोजना सम्पन्न गर्न १६ अर्ब रुपैयाँ लाग्ने अनुमान गरिएको छ ।

प्रकाशित : श्रावण २८, २०७५ १०:४५
प्रतिक्रिया
पठाउनुहोस्

भेरी–बबई डाइभर्सनको साढे ६ किमि सुरुङ खनियो, सबैभन्दा जोखिम स्थानमा पार

कमल पन्थी

बर्दिया — भेरी–बबई बहुउद्देश्यीय डाइभर्सन आयोजनामा टनेल बोरिङ मेसिन (टीबीएम) ले साढे ६ किमि सुरुङ खनेको छ । सुरुङ खन्दा सबैभन्दा बढी जोखिम मानिएको तोला खोला पार भएको छ ।

फाइल तस्बिर ।


चुरे पहाडको तोला खोला आसपासको क्षेत्र निकै जोखिमपूर्ण मानिएको थियो। यो क्षेत्रमा जमिनदेखि २ सय मिटरमुनिबाट सुरुङ खनिएको छ। जोखिम टरेपछि आयोजनाका कर्मचारी लक्ष्यभन्दा चाँडै सुरुङ निर्माण हुने बताउँछन्।

आयोजनाका डिभिजनल इन्जिनियर अजय अधिकारीले टीबीएम मेसिन जोखिम क्षेत्र पार गर्दै करिब ५ सय मिटर पर पुगेको बताए। ‘सन् २०२० सम्म १२ किमि सुरुङ खन्ने लक्ष्य रहेकामा साढे ६ किमि खन्ने काम पूरा भएको छ,’ उनले भने, ‘टीबीएमले दैनिक ४० देखि ५० मिटरसम्म सुरुङ खन्ने काम गरिरहेको छ।’

आयोजनाअन्तर्गत भेरी नदीको पानी खसालेर बर्दिया र बाँकेको ५१ हजार हेक्टरमा सिँचाइ सुविधा पुर्‍याउने उद्देश्यका साथ ३ वर्षअघि काम सुरु भएको हो। यसबाट ४८ मेगावाट विद्युत् उत्पादन गर्ने लक्ष्य छ। सुरुङ खन्ने र विद्युत् उत्पादन गर्न ०७१ माघ १५ गते चीनको चाइना ओभरसिज इन्जिनियरिङ ग्रुपसँग सम्झौता भएको थियो। सोही वर्ष चैतमा तत्कालीन प्रधानमन्त्री सुशील कोइरालाले आयोजना शिलान्यास गरेका थिए।

भेरी नदीको पानी भेरीगंगा नगरपालिका ९, चिप्लेदेखि भेरीगंगा १, हात्तीखालमा खसालेर सिँचाइ सुविधा पुर्‍याउने उद्देश्य रहेको डीई अधिकारीले बताए। १ सय ५० मिटरसम्म परम्परागत प्रविधिबाट खनेपछि टीबीएम मेसिन प्रयोग गरी सुरुङ खन्ने काम अगाडि बढाइएको थियो।

ड्रिल मेसिन, ब्लास्ट गरी १ सय ५० मिटर सुरुङ खनिएको थियो। परम्परागत प्रविधिबाट सम्भव नभएपछि अमेरिकी कम्पनी रविन्सनले निर्माण गरेको टीबीएम मेसिन चीनबाट ल्याइएको हो। ५४ वटा टीबीएम मेसिन सञ्चालनका लागि सय जना चिनियाँ प्राविधिक खटिएका छन्।

५ सयभन्दा बढी नेपाली कामदार पनि संलग्न छन्। सुरुङको चौडाइ करिब साढे ५ मिटर छ। सुरुङ खन्दा माटोलाई बाहिर ल्याउन र सेगमेन्ट लिन मोनोरेल प्रयोग गरिएको आयोजनाले जनाएको छ। आयोजना सम्पन्न गर्न १६ अर्ब रुपैयाँ लाग्ने अनुमान गरिएको छ। स्वदेशी लगानीमा निर्माण भइरहेको सुरुङ खन्न मात्रै १० अर्ब लाग्ने आयोजनाले जनाएको छ। आयोजनाका अनुसार विद्युत् गृह निर्माणमा ६ अर्ब लाग्नेछ। सुर्खेतको भेरीगंगा ९, हात्तीखालबाट बर्दियाको बाँसगढी १, चेपाङमा सिँचाइका लागि भेरीको पानी बबई नदीमा खसाल्ने लक्ष्य रहेको छ।

प्रकाशित : श्रावण २७, २०७५ १८:४०
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT