सामान्य प्रशासनका उपसचिवमाथि आक्रमण प्रयास 

आइतबार अपरान्ह मन्त्रालयको कर्मचारी प्रशासन महाशाखामै गएर भण्डारीले आचार्यलाई गालिगलौज गर्दै झम्टिएको प्रत्यक्षदर्शी एक कर्मचारीले बताए । आफूले भनेको ठाउँमा कर्मचारी सरुवा नगरेको भन्दै मन्त्रालयमा प्रवेश गरेर आक्रमणमै उत्रिएका हुन् ।

भण्डारीकै आग्रह अनुसार शाखा अधिकृत नेत्रराज गिरीलाई उनले नै रोजेको डोल्पामा पठाइएको थियो । स्रोतका अनुसार उनले पछि जान मानेका थिएनन् र चिठी पनि बुझेका थिएनन् । भण्डारीले उनलाई अन्यत्रै सरुवा गर्न दबाब दिएका थिए ।

प्रत्यक्षदर्शीका अनुसार उपाध्यक्ष भण्डारीले मन्त्रालयको झ्यालको सिसा, टेबुल र गमलासमेत फुटाएका छन् । भण्डारीले यसअघि पनि मन्त्रालयहरुमा हंगामा मच्चाउने गरेको स्रोतले कान्तिपुरलाई बतायो ।