भक्तपुरका दुई स्थानमा भेटिएका बम निष्क्रिय

मकर श्रेष्ठ, लीला श्रेष्ठ

भक्तपुर — अज्ञात समूहले भक्तपुरका दुई स्थानमा राखेको प्रेसर कुकर बम सेनाले निष्क्रिय पारेको छ । अरनिको सडकखण्ड अन्तर्गत सूर्यविनायक काँल्हाचास्थित सडक किनारमा र मध्यपुर थिमि नगरपालिका–१ लोकन्थलीस्थित ६ लेन सडकको सर्भिस ट्रयाकमा मंगलबार बिहानै प्रेसर कुकर बम भेटिएको थियो ।


काँल्हाचा र लोकन्थलीमा शंकास्पद वस्तु देखेपछि स्थानीयले प्रहरीलाई खबर गरेका थिए। प्रहरी तथा सेनाको बम डिस्पोजल टोलीले करिब बिहान ६ बजे दुवै स्थानमा भेटिएको शंकास्पद प्रेसर कुकर बम निष्क्रिय पारेको महानगरीय प्रहरी परिसर भक्तपुर प्रमुख एसपी हिमालयकुमार श्रेष्ठले बताए। ‘दुवै स्थानमा भेटिएको शंकास्पद वस्तु प्रेसर कुकर बम रहेको र सुरक्षित रुपमा डिस्पोज गरिएको छ,’ उनले भने, ‘घटनामा संलग्नको खोजी जारी छ।’ जिल्लाको सुरक्षा व्यवस्था कडा पारिएको उनले बताए।

Yamaha


नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीले आफ्ना नेता पक्राउ परेको विरोधमा मंगलबार बन्द आह्वान गरेको छ। बम नेपाल कम्युनिष्ट पार्टीकै कार्यकर्ताले राखेको हनुसक्ने आशंका गरिएको छ। भक्तपुरमा बन्दको प्रभाव खासै नरहेको प्रहरीले जनाएको छ।

सूर्यविनायकमा बम भेटिएपछि केही क्षण पूर्व जाने सवारी आवागमन प्रभावित भएको थियो। बम निष्क्रिय पारेपछि सवारी आवागमन सुचारु भएको एसपी श्रेष्ठले बताए।

प्रकाशित : श्रावण २९, २०७५ ०६:३१
प्रतिक्रिया
पठाउनुहोस्

नेदरल्याण्ड्समा हुने एम्बेसी फेस्टिबलमा नेपाल सहभागी हुने 

कान्तिपुर संवाददाता

काठमाडौँ — नेदरल्याण्ड्समा आगामी १ सेप्टेम्बरमा हुने एम्बेसी फेस्टिबलमा नेपालले पनि सहभागीता जनाउने भएको छ । 

नेदरल्याण्ड्सको द हेग नगरपालिकाको सहयोगमा लाईभ वेभे नामक संस्थाले वर्षेनी गर्दै आइरहेको एम्बेसी फेस्टिबलमा नेपाल लगायत संसारका विभिन्न ६२ वटा मुलुकले सहभागिता रहने छ ।

सवै मुलुकहरुले आफ्नो संस्कृति, भेषभुषा, उत्पादित सामाग्रीहरु, पर्यटन प्रवद्र्धन र प्रचार प्रसार गर्नको लागि उक्त फेस्टिवललाई सदुपयोग गर्दै आइरहेका छन् ।

वेनेलक्सका लागि नेपाली दुतावास बेल्जियम, गैर आवासीय नेपाली संघ नेदरल्याण्ड्स, नेपाली कन्सुलेट तथा नेदरल्याण्ड्समा रहेका स्थानिय नेपाली संघसंस्थाको संयुक्त प्रयासमा नेपाली प्याभिलियन मार्फत नेपालीका प्राकृतिक संपदा, भाषा, संस्कृति, भेषभुषा, नेपाली उत्पादनहरु, हस्कतला र विभिन्न झाँकीहरु प्रदर्शन गर्न लागिएको हो ।

प्रकाशित : श्रावण २८, २०७५ २१:२१
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT