विद्यालयको खानेपानी ट्यांकीमा विष[अपडेट]

२० जना विद्यार्थी बिरामी
माधव घिमिरे

विराटनगर — मोरङको लेटाङ नगरपालिकास्थित जाँतेमा रहेको एक विद्यालयको खानेपानी ट्यांकीमा अज्ञात व्यक्तिले हालेको विषादीका कारण २० जना विद्यार्थी बिरामी परेका छन् ।

उर्लाबारी-३ स्थित मंगलबारे अस्पतालमा उपचारका लागि ल्याइएका विद्यार्थीहरु । तस्बिर सौजन्यः गोपाल काफ्ले

स्थानीय श्री माध्यमिक विद्यालयको खानेपानी ट्यांकीमा हालिएको विष मिस्रित पानी पिउँदा विद्यार्थी बिरामी परेका हुन्।

Yamaha

बिरामीमध्ये १८ जनाको उर्लाबारी-३ मंगलबारेस्थित म‌ंगलबारे अस्पतालमा उपचार भइरहेको जाँतेस्थित प्रहरी कार्यालयका असई हरिनारायण राजवंशीले बताए। उनका अनुसार अरु खुश्बु मिश्र र सृष्टि निरौला, कमला लिम्बू र मनिष थापालाई थप उपचारका लागि विराटनगर पठाइएको छ।

विराटनगरस्थिन नोबेल अस्पतालमा उपचारका लागि ल्याइएकी विद्यार्थी कमला लिम्बू। तस्बिरःवेदराज पौडेल / कान्तिपुर

विद्यालय परिसरमा रहेको ५ सय लिटर क्षमताको सिमेन्टबाट बनाइएको ट्यांकीमा विषादी हालेको पाइएको थियो।

असई राजबंशीका अनुसार ट्यांकीमा ‘साइबेरिन’ लेखिएको विषको बट्टा फेला परेको छ। विषादी कसले हालेको भन्ने खुलेको छैन। सोधखोज भइरहेको प्रहरीले जनाएको छ।

अस्पतालमा उपचारका लागि ल्याइएकी विद्यार्थीसृष्टि निरौला। तस्बिरःवेदराज पौडेल / कान्तिपुर
विद्यालय समय सुरु हुन लाग्दा टाढा टाढाबाट आएका विद्यार्थीले पानी पिएका थिए। त्यसपछि शिक्षकहरुले पनि पिउने क्रममा केही गन्ध आएजस्तो लागेपछि ट्यांकीमा जाँच गरिएको असई राजबंशीले बताए। त्यसक्रममा विषादी हालेको पाइएको थियो।

प्रकाशित : श्रावण २९, २०७५ १३:४९
ADVERTISEMENT
प्रतिक्रिया
पठाउनुहोस्

औद्योगिक समस्या समाधानमा सरकार गम्भीर : प्रधानमन्त्री

कार्यदल बनाएर समस्याको अध्ययन गरिने
माधव घिमिरे

विराटनगर — प्रधानमन्त्री केपी ओलीले औद्योगिक–व्यापारिक क्षेत्रका समस्या समाधान गर्न सरकार गम्भीर रहेको बताएका छन् । प्रधानमन्त्री निवास बालुवाटारमा उद्योगी–व्यवसायीसँगको भेटमा उनले शनिबार सो कुरा बताएका हुन् ।

‘निजी क्षेत्र र सरकार दुई होइन एउटै पाटा हुन्, हामी सबै समस्या क्रमिक रुपमा समाधान गर्नेछौं,’ प्रधानमन्त्रीको भनाइ उद्धृत गर्दै भेटमा सहभागी उद्योग संगठन मोरङका अध्यक्ष भीम घिमिरेले भने, ‘तत्काल समाधान गर्नुपर्ने काम तुरुन्तै र दीर्घकालिन रुपमा गर्ने कार्य नीति नियम परिवर्तन गरेर गर्छौं ।’

प्रधानमन्त्री ओलीले निजी क्षेत्रसँग सहकार्य गर्न सरकार तयार रहेको भन्दै असल साझेदारका रुपमा काम गर्ने बताएका थिए । यसका लागि एउटा कार्यदल बनाउने प्रतिवद्धता प्रधानमन्त्रीले व्यक्त गरेको घिमिरेले बताए ।

कार्यदलमा उद्योग संगठन मोरङका र मोरङ व्यापार संघका अध्यक्षसमेतको सहभागिता हुने भएको छ । कार्यदलले सबै समस्या समाधानका लागि गर्नुपर्ने विवरण पेस गरेपछि समाधानका लागि पहल थाल्ने सहमति भएको संघका अध्यक्ष पवन सारडाले बताए ।

भेटका अवसरमा पूर्वप्रधानमन्त्री पुष्पकमल दाहालले उद्योग–व्यवासाय क्षेत्रमा देखिएका समस्या समाधानमा सरकार गम्भीर रहेको बताएका थिए । समस्या समाधान गर्दै अघि बढेर जिम्मेवार भई आर्थिक विकासमा मद्दत गर्नुपर्ने उनले बताएका थिए ।

करिब तीन घन्टा भएको छलफलमा उद्योग–व्यापार क्षेत्रका प्रतिनिधि, मन्त्रीहरु, सभासदहरु, विभिन्न मन्त्रालयका सहसचिव, विद्युत प्राधिकरणका पदाधिकारीलगायतको सहभागिता थियो ।

ब्यापार संघ अध्यक्ष सारडाले निजी क्षेत्र सरकारसँग काँध मिलाएर काम गर्न तयार रहेको बताएका थिए । संगठनका अध्यक्ष घिमिरेले उद्योगी ब्यवसायीको तर्फबाट संयुक्त रुपमा तयार पारिएको समस्या, सुझाव र अपेक्षासम्बन्धी सुझाव प्रतिवेदन पढेर सुनाएका थिए ।

प्रकाशित : श्रावण २०, २०७५ १३:२३
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT