पहिरोले घर पुरिँदा २ बेपत्ता

निसीखोला गाउँपालिका ३ को धुसौरा भन्ने स्थानमा खसेको पहिरोले बिहान साँढे ५ बजे घर पुरेको ईलाका प्रहरी कार्यालय बुर्तिवाङका निरिक्षक ओमप्रकाश यादवले बताए । स्थानीय मानबहादुर शाहीको घर पहिरोले पुरेको हो ।

पहिरोमा परेर मानबहादुरकी श्रीमती ६५ बर्षिय धनकुमारी शाही र ३५ बर्षिय बुहारी डल्ली शाही बेपत्ता भएका हुन् । घटनाको जानकारी पाउना साथ प्रहरी चौकी झिवाखोला र ईलाका प्रहरी कार्यालय बुर्तिवाङका उद्दार टोली घटनास्थल तर्फ गईरहेको छ । घटनास्थल सदरमुकाम देखि १ सय २० किमी पश्चिममा पर्छ ।

घटनाको थप विवरण आउन बाँकी रहेको छ ।