नेपाल अष्ट्रेलिया सचिवस्तरीय संयन्त्रको पहिलो बैठक बिहीबार हुँदै

नारायण खड्का

अष्ट्रेलिया — नेपाल र अष्ट्रेलियाका विदेश सचिवस्तरीय संयन्त्रको पहिलो औपचारिक बैठक भोली बिहीबार काठमाडौंमा हुने भएको छ ।

नेपाली टोलीको नेतृत्व विदेश सचिव शंकर बैरागीले गर्नेछन् भने अष्ट्रेलियाको नेतृत्व विदेश मन्त्रालयका उच्च अधिकारीले गर्ने अष्ट्रेलियास्थित नेपाली दूतावासले जानकारी दिएको छ ।

Yamaha

नेपाल र अष्ट्रेलियाबीचको व्यापारिक, कूटनीतिक, सामाजिक लगायतका सम्बन्धलाई अझ सुमधुर बनाउने उद्देश्य राखेर करिब एक वर्षअघि यो संयन्त्रको निर्माण भएको थियो । संयन्त्र निर्माण भएपछि पहिलो बैठक नेपालमा आयोजना गर्ने सहमति अनुसार यो बैठक काठमाडौंमा हुन लागेको हो ।

बैठकको तयारीका लागि अष्ट्रेलियाका लागि नेपाली राजदूत लक्की शेर्पा साताअघि नै काठमाडौ गइसकेकी छन् । बैठकले नेपाल अष्ट्रेलियाबीचको व्यवसायिक कूटनीतिक, आर्थिक लगायतका आपसी सम्बन्धका साथै विद्यार्थीका मुद्दाले समेत प्राथमिकता पाउने दूतावासले जनाएको छ ।

क्यानबेरामा रहेको दूतावासका एक उच्च अधिकारीका अनुसार अष्ट्रेलियाले यो बैठक कसले नेतृत्व गर्ने स्पष्ट नपारेको भएपनि विदेश मन्त्रालयका उच्च अधिकारीको नेतृत्वमा शिक्षा र गृह मन्त्रालयका उच्च अधिकारीहरु सम्मिलित हुदैछन् ।

यसैगरी नेपालबाट परराष्ट्र सचिव बैरागीको नेतृत्वमा गृह तथा शिक्षा मन्त्रालयका सचिव लगायतको सहभागिता रहनेछ । ती अधिकारीले नेपाल र अष्ट्रेलियाको दौत्य सम्बन्ध कायम भएपछिको यो नै पहिलो उच्चस्तरीय बैठक भएको दाबी गर्दै यसले नेपालको लागि धेरै सम्भावनाका ढोकाहरु खोल्न सक्ने विश्वास व्यक्त गरे ।

दूतावासका अनुसार बैठकमा मुख्य गरेर अष्ट्रेलियाको लगानीलाई नेपालमा थप आकर्षित गर्नका लागि विभिन्न सम्भावनाहरुको खोजी गरिनेछ भने उच्च शिक्षाका लागि अष्ट्रेलिया आउन चाहने नेपाली विद्यार्थीहरुको भिषा प्रक्रिया सहजताका लागि काठमाडौमा नै कार्यलय स्थापना गर्नुपर्ने लगायतका विषयहरुमा जोड दिईनेछ ।

यसका साथै नेपाल र अष्ट्रेलियाबीचमा लामो समयदेखि हुन नसकेको उच्चस्तरीय कूटनैतिक भ्रमणको लागि समेत पहल गरिनेछ । ‘पहिलो औपचारिक बैठक भएकाले बैठकपछिको नतिजा के हुन्छ भनेर सोच्नु भन्दा पनि उच्चस्तरीय बैठकको सुरुवात हुनुलाई नै हामीले सफलताका रुपमा लिएका छौं ।’ ती अधिकारीले भने ।

Esewa Pasal

प्रकाशित : श्रावण ३०, २०७५ १५:१३
प्रतिक्रिया
पठाउनुहोस्
ADVERTISEMENT

तीज नआउँदै अस्ट्रेलियामा कार्यक्रम

नारायण खड्का

अस्ट्रेलिया — हिन्दू नारीहरुको मुख्य पर्व तीज आउन महिना दिन बाँकी छँदै अस्ट्रेलियामा तीज कार्यक्रम सुरु भइसकेको छ । सिड्नीमा शनिबार मात्रै नेपालका चर्चित कलाकारहरुको साथमा दुई वटा कार्यक्रम आयोजना गरिएको थियो ।

कार्यक्रममा कोमल ओली, माण्डवी त्रिपाठी, शान्तिश्री, खुमन अधिकारी, तेजस रेग्मीलगायत गायक, गायिकाहरुले सहभागिता जनाए । सिड्नीको अलावा पार्कमा मायालु इन्टरटेन्मेन्टले ३ हजार बढी सहभागी तीज महोत्सवमा ओलीलगायत कलाकारले मनोरञ्जन दिलाएका थिए । कार्यक्रममा महिला, बालबालिकाका साथै नेपालबाट आएका अभिभावकहरु साँझसम्म रमेका थिए ।

अर्कोतिर नारी निकुञ्ज न्यु साउथ वेल्सले सिड्नीकै ओरियन फक्सन सेन्टरमा गरेको तीज कार्यक्रममा माण्डवी त्रिपाठीले सहभागीहरुलाई नचाएकी थिइन् । कार्यक्रममा दरसमेत खुवाइएको थियो ।

नारी निकुञ्जद्वारा हरेक वर्ष आयोजना हुने कार्यक्रममार्फत नेपालमा पाठेघर खस्ने समस्या पीडित महिलालाई नि:शुल्क स्वास्थ्यसेवा पुर्‍याउन सहयोग जुटाउने गरिएको छ ।

प्रकाशित : श्रावण २७, २०७५ १७:१३
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT