सरकारले बहुपक्षीय आर्थिक तथा प्राविधिक सहयोगका लागि बंगालका खाडीका राष्ट्रहरूको प्रयास (बिमस्टेक) को चौथो शिखर सम्मेलनमा राष्ट्रिय सभागृहको उपयोग नगर्ने भएको छ ।
संगठित अपराध, सुन तस्करी र सनम शाक्य हत्या मुद्दाका तीन अभियुक्तलाई थुनामा राख्ने जिल्ला अदालतको आदेश उच्च अदालत मोरङले सदर गरेको छ । जिल्ला अदालत मोरङको थुनछेकको आदेशअनुकूल हुने गरी बिहीबार उच्च अदालतले यस्तो आदेश गरेको हो ।
राष्ट्रिय प्रजातन्त्र पार्टीले पार्टीले निर्वाचन जितेको गाउँपालिका र उपमहानगरपालिकामा साविकको गाविस र नगरपालिकाले लगाएकोभन्दा बढी कर नलगाउन र लगाएको भए फिर्ता गर्न आग्रह गरेको छ ।
प्रदेश १ को सरकारले चालु आर्थिक वर्षमा ३९ करोड ९७ लाख ९६ हजार मूल्यबराबरका सवारीसाधन किन्ने भएको छ । स्थानीय तहलाई प्रदान गरिने ७० वटा एम्बुलेन्सदेखि केन्द्रीयस्तरका मन्त्रीका लागि चढ्ने छुट्टै र प्रदेशका मुख्यमन्त्रीका लागि २ करोड रुपैयाँ पर्ने एउटा गाडीका लागि समेत बजेट छुट्याइएको छ ।
बहुदरमाई नगरपालिका-२ का हजुरबुवा ताराचन्द र ठूली आमा रीता देवीलाई शिवजी साहका ६ वर्षीय छोरा आयोग साहको हत्याकाे अभियोग लागेको छ । जिल्ला अदालतले दुवैलाई बुधबार पुर्पक्षका लागि थुनामा राख्न आदेश दिएको छ ।
४ साउनको कुरा हो । मीनबहादुर पुडासैनीले अचानक खबर पाए, बहिनी चमेली घले बिरामी भएर अस्पतालमा भर्ना भएकी छन् । अनामनगरमा रहेका मीन हतारिँदै बसुन्धरामा रहेको ग्रीन सिटी अस्पतालमा पुगे । आकस्मिक उपचार कक्ष पुरै चहार्दा पनि बहिनी फेला नपरेपछि उनले अस्पतालका कर्मचारीको सहयोग लिए ।
शुक्रबारदेखि मुलुकी अपराध (संहिता) ऐन लागु हुँदै छ । एक वर्षअघि पारित भएको उक्त ऐनका केही प्रावधानले आफुहरुलाई अपराधीलाई जस्तो व्यवहार गर्ने भन्दै डाक्टरहरुले असन्तुष्टि जनाएका छन् ।
हिजोआज जताततै देखिन्छन् पहेंला गाडी । कतै डाँडा खोस्रिरहेका, कतै पाखो कोतरिरहेका अनि कतिचाहिँ त्यत्तिकै थन्किएर बसेका । डाँडाकाँडाका सबैजसो बस्तीमा यी पहेंला गाडी पुगेकै छन् ।स्थानीय निर्वाचनपछि ‘हेभी इक्विपमेन्ट’ (डोजर, लोडर, क्रेन, रोलर, स्काभेटर) को आयात ह्वात्तै बढेको छ ।
विश्वव्यापी जलवायु परिवर्तनमा नगन्य योगदान भए पनि असरबाट प्रभावित मुलुकको अग्रस्थानमा परेको भन्दै नेपालले क्षतीपूर्तीका लागि अन्तर्राष्ट्रिय फोरममार्फत विश्व समुदायको ध्यानाकर्षण गराउने भएको छ ।
नेपाल कम्युनिस्ट पार्टीका अध्यक्ष पुष्पकमल दाहालले नेपाल सामाजिक न्याय सहित आर्थिक समृद्धितिर अघि बढिरहेको बताएका छन् । बिहीबार बिहान पार्टी कार्यालय धुम्बाराहीमा पार्टी प्रवेश कार्यक्रममा बोल्दै उनले सरकारको कामकारबाही जनता र राष्ट्रको पक्षमा पार्नु पर्ने बताए ।
भारतका पूर्वप्रधानमन्त्री अटलविहारी वाजपेयीको निधन भएको छ । अखिल भारतीय आयुर्विज्ञान संस्था (एम्स्)ले एक विज्ञप्ति जारी गर्दै बिहीबार साँझ ५ बजे ५ मिनेट जाँदा उनको निधन भएको जनाएको छ ।
सरकारले घरविहीन व्यक्ति तथा परिवारलाई आवास व्यवस्था गरिदिने भएको छ । अति विपन्न र वैकल्पिक व्यवस्था गर्न नसक्नेलाई अनिवार्य आवास सुविधा दिन सरकारले संसद्मा ‘आवासको अधिकार सम्बन्धमा व्यवस्था गर्न बनेको विधेयक’ पेस गरेको छ ।
सबै गाउँलेलाई आत्मनिर्भर बनाउन महाशिला गाउँपालिकाले एक घर एक टनेल कार्यक्रम सुरु गरेको छ । गाउँपालिकाले बजेट छुट्याएर कम्तीमा ५० प्रतिशत घरधुरीमा व्यावसायिक तरकारी खेती विस्तार गर्ने भएको हो । महाशिलामा करिब दुई हजार घरधुरी छन् ।
भौतिक पूर्वाधार तथा यातायात मन्त्रालयले वातावरणमैत्री (विद्युतीय) सवारी साधन सञ्चालन स्वीकृति दिन आलटाल गरिरहेको छ । मन्त्रालयले वातावरणमैत्री सवारी साधनलाई रुट दिनका लागि काठमाडौं, भक्तपुर र ललितपुरका सडकको अध्ययन गर्न गठित ‘रुट अध्ययन समितिको प्रतिवेदन २०७२’ कार्यान्वयनमा ढिलाइ गरेको हो ।
२८.१२°C काठमाडौं
