प्रधानमन्त्री जनकपुरमा, राजपा सांसदद्वारा विराेध

सम्बाेधनमा अवरोध पुर्‍याउने आशंकमा राजपा सांसदसँग छलफल 
सन्तोष सिंह

जनकपुर — प्रधानमन्त्री केपी शर्मा ओलीले प्रदेश २ को प्रदेश सभालाई गर्ने सम्बोधनको विषयलाई लिएर प्रदेश २ का राजपा सांसद उपेन्द्र महतोले सामाजिक सञ्जालमा दिएको अभिव्यक्तिमाथि छलफल गरिएको छ ।जनकपुरमा शनिबार हुने प्रधानमन्त्रीको सम्बोधनबारे महतोले विवादस्पद अभिव्यक्ति दिएपछि सभामुख कक्षमा यस विषयमा छलफल भएको हो । 

शनिबार बिहान प्रधानमनत्री पुगे लगत्तै सांसद महतोलाई संसद सचिवालयका अधिकारीले सभामुखको कक्षमा बोलाएर छलफलका लागि बोलाएका थिए।

Yamaha

महतोले सामाजिक सञ्जालमा महतोले ओलीको जनकपुर आगमन मधेस विरोधी भन्दै खुल्ला पत्र लेखेका थिए।

राजपाका २ सांसदले ओलीलाई सम्बोधन गर्न दिन नहुने भन्दै सामाजिक सञ्जालमा लेखेका थिए।
प्रदेश २ का उद्योग तथा पर्यटन राज्यमन्त्री राजपा सांसद सुरेश मण्डलले पनि प्रधामन्त्रीको जनकपुर भ्रमण मधेस आन्दोलनको विपरित भएको भन्दै सामाजिक सञ्जालमा विरोध जनाएका छन्। राज्यमन्त्री मण्डल सभामा पनि उपस्थित छैनन्। सांसद महतो भने प्रधानमन्त्री उपस्थित सभामै छन्।

नेपाल कम्युनिष्ट पार्टीका अर्का अध्यक्ष पुष्पकमल दाहाल पनि प्रधानमन्त्रीसँगै जनकपुर पुगेका छन्। प्रहरीलेओलीको विरोधमा कालो झण्डा देखाइरहेका केहीलाई पक्राउ गरेको छ।


Esewa Pasal

प्रकाशित : भाद्र २, २०७५ ११:४४
ADVERTISEMENT
प्रतिक्रिया
पठाउनुहोस्
ADVERTISEMENT

मृगौला पीडितलाई सहयोग

कान्तिपुर संवाददाता

लमजुङ — मृगौलाको समस्याले बिरामी एक युवकलाई मगर समुदायले उपचारका लागि सहयोग गरेको छ । दुई वर्षदेखि उपचार गराइरहेका बेंसीसहर नगरपालिका ६, चनौटेका २३ वर्षीय विकास आलेमगरलाई बेंसीसहर–२ नरुवलस्थित मगरगाउँका बासिन्दाले सहयोग जुटाएका हुन् ।

बेसीसहर नगरपालिका–६ चनौटेका मृगौला पीडित विकास आलेको उपचारका लागि रकम हस्तान्तरण गरिँदै नरुवाल मगरगाउँका स्थानीय । तस्बिर: कान्तिपुर

दुवै मृगौलाले काम नगरेपछि एक वर्षदेखि काठमाडौंस्थित मृगौला रोग उपचार केन्द्रमा उपचार गराउँदै आएका आलेको उपचारमा सहयोग गर्न नरुवालका मगर समुदायले ३४ हजार ५ सय ८५ नगद सहयोग गरेका हुन्।

नरुवालस्थित मिनाम लाङ्घाली युवा क्लबको अगुवाईमा सहयोग रकम संकलन गरिएको हो। शुक्रबार नरुवाल नजिकै गैह्रीबजारमा एक कार्यक्रम गरी क्लवका अध्यक्ष यमबहादुर आले र नेपाल मगर संघका केन्द्रिय सदस्य बलबहादुर रानाले मृगौलापीडितका दाजु सुरेश आले र काका नारायण आलेलाई उक्त रकम हस्तान्तरण गरेका हुन्।

आले एक वर्षदेखि काठमाडौंमै डेरा लिएर मृगौलाको डायलसिस गराउँदै आएको उनका दाजु सुरेशले बताए। प्रत्येक साता कम्तीमा ३ हजार रुपैयाँ उपचार खर्च व्योहोर्दै आएकोमा अहिलेसम्म करिब १२ लाख खर्च भइसकेको दाजु सुरेशले बताए। बाबुको मृत्यु भइसकेको, आमा विरामी अवस्थामा रहेको र आफ्नो पनि आर्थिक अवस्था कमजोर भएकाले भाइको उपचारमा आर्थिक अभाव खड्किएको सुरेशले बताए।

प्रकाशित : भाद्र २, २०७५ १०:५८
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT