कालीमाटी बजार अनुगमनमा अवराेध गर्ने २ व्यवसायी पक्राउ
काठमाडौँ — कालीमाटी तरकारी बजार अनुगमनमा अवरोध गरेको भन्दै प्रहरीले दुई जना व्यवसायीलाई पक्राउ गरेकाे छ ।
कालीमाटी तरकारी तथा फलफूल व्यवसायी संघका अध्यक्ष भरत खतिवडा र अर्का व्यवसायी विमल ढुंगानालाई पक्राउ गरेको हाे । उनीहरुलाई महानगरीय प्रहरी परिसर टेकुमा राखिएको छ ।
विवाद बारे बुझन आपूर्ति मन्त्री मातृका यादव र प्रमुख जिल्ला अधिकारी रामप्रसाद आचार्यको टोली कालीमाटी बजार गएका छन् ।
सोमबार बिहान कालीमाटीस्थित तरकारी बजार अनुगमनमा गएको अापूर्ति बिभागकाे टोलीलाई भित्र राखेर व्यापारीले अवराेध गरेका थिए । उक्त टाेलीलाई छुटाउन त्यहाँ प्रहरी परिचालन गरिएको थियो ।
प्रकाशित : भाद्र ४, २०७५ ११:३४