कतारमा कार्यरत एक नेपालीको मृत्यु
काठमाडौँ — चार वर्षदेखि कतारको सनैया–४५ स्थित सुस मार्बल कम्पनीमा कार्यरत बराहक्षेत्र नगरपालिका–२, सुनसरीका विज्ञान बस्नेतको शव सोमबार नेपाल ल्याइएको छ।
अगस्त २ देखि परिवार र कम्पनीसँग सम्पर्कविहीन २७ वर्षीय बस्नेतको अगस्ट ३ मा दुर्घटनामा मृत्यु भएको हमाद अस्पतालले जनाएको छ ।
क्याम्पबाट साथीलाई भेट्न निस्केका बस्नेत त्यसपछि सम्पर्कविहीन थिए । अस्पतालको शव विभागले कम्पनी र नेपाली दूतावासमा सम्पर्क गरेपछि उनको मृत्यु भएको खुलेको थियो ।
प्रकाशित : भाद्र ४, २०७५ १९:३३