चितवनमा पोल्ट्री सम्बन्धि अन्तर्राष्ट्रिय सम्मेलन हुने

विमल खतिवडा

काठमाडौँ — चितवनको कृषि तथा वन विज्ञान विश्वविद्यालयमा कुखुरापालनको क्षेत्रमा अध्ययन, अनुसन्धान र विकासमा निरन्तर कार्य गरिरहेका वैज्ञानिकहरुको अन्तर्राष्ट्रिय सम्मेलन हुने भएको छ । 

Yamaha

तीन दिनसम्म चल्ने ‘अन्तर्राष्ट्रिय पोल्ट्री सिम्पोजियम २०१८’ मा नेपाल, भारत, जापान, अष्ट्रेलिया, जर्मनी, बंगलादेश लगायत १० देशका ५० भन्दा बढी वैज्ञानिकहरुले भाग लिने छन् ।
कृषि तथा वन विज्ञान विश्वविद्यालय अन्तर्गत पशु विज्ञान, पशु चिकित्सा र मत्स्य विज्ञान संकायको आयोजनामा सम्मेलन कार्तिक ११ देखि १३ गतेसम्म हुने छ ।

सम्मेलनमा कुखुरा उत्पादन सम्बन्धी नीतिगत ,सामाजिक आर्थिक अवस्था, पोषण व्यवस्थापन, स्वास्थ्य व्यवस्थापन कुखुराको अनुवांशिकी, प्रजनन व्यवस्थापन तथा जैविक प्रविधि लगायतका विधाहरुमा अनुसन्धानमूलक कार्यपत्रहरु प्रस्तुत हुने छन् ।

‘ कुखुरा उत्पादन र व्यवस्थापन, अध्ययन अनुसन्धान र विकास सम्बन्धी नेपालमा पहिलो पटक यो सम्मेलन आयोजना हुन लागेको हो,’ अन्तर्राष्ट्रिय पोल्ट्री सिम्पोजियम मूल आयोजक समितिकी अध्यक्ष प्राडा.शारदा थपलियाले भनिन,‘ पर्यटक आउने समयलाई मध्य नजर गरेर कार्तिकमा सम्मेलन गर्न लागेका हौँ ।’

उनका अनुसार यसअघि भैंसीबारे विज्ञहरुको उपस्थितीमा सम्मेलन गरिएको थियो । थपलियाले सम्मेलनले प्रत्यक्ष रुपमा व्यावसायिक कुखुरा पालक किसानलाई फाईदा पुग्ने बताईन ।

पशु सेवा विभागमा पत्रकार सम्मेलन गरेर सम्मेलनबारे जानकारी गराईएको हो । विभागका महानिर्देशक डा.विमलकुमार निर्मलका अनुसार पहिलो पटक हुन लागेको सम्मेलनबाट कुखुरा पालक कृषकले लाभ लिने छन् ।

Esewa Pasal

प्रकाशित : भाद्र ५, २०७५ १४:५३
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

इरानको पहिलो लडाकू विमान सार्वजनिक

रासस/एएफपी

तेहरान — इरानले तेहरानमा आयोजित प्रतिरक्षा प्रदर्शनीका अवसरमा मङ्गलबार पहिलो घरेलु लडाकू विमान सार्वजनिक गरेको छ । 

राज्य नियन्त्रित टेलिभिजनले इरानी राष्ट्रपति हस्सन रौहानीलाई राष्ट्रिय प्रतिरक्षा उद्योगको प्रदर्शनीमा राखिएको नयाँ 'कौसार' विमानको ककपिटमा बसेको देखाएको छ । यो चौथो पुस्ताको लडाकू विमान हो ।

यस विमानमा अत्याधुनिक उपकरणहरु र बहुउद्देश्यीय राडार जडान गरिएको छ । यो विमान सत प्रतशित इरानी प्रविधिबाट उत्पादन गरिएको हो ।

राज्य नियन्त्रित टेलिभिजनले यो विमानको सफलतापूर्वक परीक्षण गरिएको र सार्वजनिक उडानका लागि धावनमार्गमा राखिएको जनाएको छ ।

यो विमानका बारेमा शनिबार मात्र रक्षामन्त्री अमिर हतामीले जानकारी दिएका थिए । उनले यस परियोजनका बारेमा ज्यादै कम विवरण सार्वजनिक गरेका छन् ।

रक्षामन्त्री हतामीले इरानको प्रतिरक्षा कार्यक्रम सन् १९८० को दशकमा इराकबाट ८ वर्षसम्म लगातार आक्रमण भएदेखि नै आरम्भ गरिएको बताए ।

इजरायल र संयुक्तराज्य अमेरिकाले बारम्बार चेतावनी दिएपछि इस्लामिक गणतन्त्रले आफ्ना सबै विकल्प खुला राख्नुपर्दछ भन्ने मान्यताबाट अघि बढेको पनि उनले स्पष्ट गरे ।

'हामीले इरान–इराक युद्धबाट परनिर्भर होइन आफैँ सक्षम हुनु पर्दछ भन्ने कुरा सिक्यौँ । हामीसँग स्रोत सीमित छ र न्यून लागतमै सुरक्षा प्रणालीलाई मजबूत बनाउन हामी प्रतिबद्ध छौँ ' उनले भने ।

अमेरिकाले अर्बौँ डलरका हातहतियार इरानका क्षेत्रीय प्रतिद्वन्द्वी राष्ट्रहरुलाई बेचेको छ, तर इरानमाथि प्रतिरक्षा कार्यक्रमलाई नियन्त्रण गर्न आग्रह गरी आएको छ । इरानमाथि दबाब सिर्जना गर्न अमेरिकाले आर्थिक नाकाबन्दी लगाइरहेको छ ।

प्रकाशित : भाद्र ५, २०७५ १४:३७
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT