कान्तिपुर वेबसाईट
AdvertisementAdvertisement
२४.१२°C काठमाडौं
काठमाडौंमा वायुको गुणस्तर: १३४

कल बाइपास मुद्दामा १७ करोड जरिवाना माग

चितवन — कल बाइपास मुद्दामा १७ करोड ८५ लाख २० हजार जरिवानाको मागसहित चितवन जिल्ला अदालतमा मुद्दा दायर भएको छ । दुईजना बंगलादेशी नागरिकसँग मिलेर अवैध कलबाइपास गरेको आरोपमा प्रहरीले साउन ७ गते तीनजना नेपालीलाई पक्राउ गरेको थियो ।

कल बाइपास मुद्दामा १७ करोड जरिवाना माग

ती मध्ये तीनजनालाई थुनामा राख्न अदालतले सोमबार आदेश गरेको छ ।


पक्राउ पर्नेमा रुपन्देही तिलोत्तमा नगरपालिका–८ प्रदिपनगरका ३१ वर्षका विजय गुरुङ र सोही ठाउँका २९ वर्षका मिनप्रसाद रिजाल थिए । त्यसैगरी चितवन प्रहरीले भरतपुर महानगरपालिका–१६ का सुनिल अधिकारीलाई पनि पक्राउ गरेको थियो । उनीहरुले भरतपुर–१० रिजालचोकको एउटा घरको कोठा भाडामा लिएर अवैध कलबाइपासको काम गरेको प्रहरीले जनाएको थियो ।


‘पक्राउ परेका तीनजना विरुद्ध अवैध कलबाइपास सञ्चालन गरेर नेपालको दुरसञ्चार प्रणालीको राजश्व आम्दानीमा हानी नोक्सानी पुर्‍याएको आरोपमा क्षतिपुर्ती माग गर्दै साउन २९ मा चितवन अदालतमा मुद्दा दायर भएको थियो’ चितवन जिल्ला अदालतका स्रेस्तेदार गेहेन्द्रराज पन्तले भने । यो प्रकरणमा दुईजना बंगलादेशीको मिलोमतो भएको प्रहरी अनुशन्धानले देखाएको थियो ।


अदालतका न्यायाधीस बासुदेव न्यौपानेले अभियुक्तहरुलाई थुनामा राख्न कारागार पठाउने आदेश दिएका हुन् । यो मुद्दामा बिगो बमोजिम जरिवाना तिराउने वा पाँच वर्ष कैद अथवा जरिवाना र कैद दुवै सजाय हुने व्यवस्था रहेको स्रेस्तेदार पन्तले बताए । उनीहरुले गत वर्षको पुस एक गतेबाट कल बाइपास काममा सक्रिय भएर नेपालको दुरसञ्चार सेवा प्रदायक कम्पनीहरुलाई नोक्सान गरेको देखिएको छ ।

प्रकाशित : भाद्र ५, २०७५ २१:२३
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?