बेंसीसहर–चामे सडक च्याम्चेमा अवरुद्ध

यसअघि बेंसीसहर–चामे सडककै मनाङको चामे नजिकै कोतो क्षेत्रमा गएको पहिरोले एक साता सडक अवरुद्ध बनाएको थियो । गएको मंगलबारबाट संचालनमा आएको उक्त बाटो ३ दिन नबित्दै फेरी मनाङ सीमा आउन करीब ६ किलोमिटर वर सडक भासिएको हो ।

स्थानीय होटल व्यवसायी पञ्च गुरुङका अनुसार मोटरसाइकल हिँड्न समेत नमिल्ने गरी सडक भासिएको छ । मानिस समेत जोखिम तवरले हिँडेका छन् । सडक माथि जंगल रहेको र जंगलको जमिन समेत भासिएको उनले बताए । उनका अनुसार सडक भासिनुका साथै पहिरो गएपछि सवारी साधनबाट आउजाने गरेका स्थानीय, यात्रु तथा पर्यटकलाई समस्या परेको छ ।