केयू रजिस्ट्रार थापाको राजीनामा

कान्तिपुर संवाददाता

काठमाडौँ — काठमाडौं विश्वविद्यालय (केयू) का रजिस्ट्रार प्राध्यापक भोला थापाले पदबाट राजीनामा दिएका छन् । विश्वविद्यालयअन्तर्गत स्कुल अफ लका डिन तथा संविधानविद् विपिन अधिकारीलाई प्राध्यापक बनाउने विषयमा विवाद बढेपछि थापाले राजीनामा गरेका हुन् ।

केयू कार्यकारी परिषद् बैठकले शिक्षक, कर्मचारी छनोट गर्न गठन गरेको उपसमितिले अधिकारीलाई प्राध्यापक बनाउन ‘योग्य’ रहेको सिफारिस गरेको थियो। उक्त सिफारिसप्रति उपकुलपति रामकण्ठ माकजुले असन्तुष्टि जनाएका थिए।

Yamaha

उपकुलपतिले उपसमितिको सिफारिस अस्वीकार गरेकाले आफूले राजीनामा दिएको थापाले बताए। ‘प्राध्यापक बन्न योग्य छु भनेर आवेदन दिने अधिकारी एक जना मात्र भएकाले सिफारिस अघि बढाइएको हो,’ उनले भने, ‘तर, उपकुलपतिज्यूले सकारात्मक रूपमा लिनुभएन।’ थापा यसअघि चार वर्ष रजिस्ट्रारको जिम्मेवारीमा थिए। उनले त्यसअघि दस वर्ष स्कुल अफ इन्जिनियरिङमा डिनको भूमिका निर्वाह गरेका थिए।

Esewa Pasal

प्रकाशित : भाद्र ८, २०७५ १९:३९
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

किशाेरी बलात्कार र हत्या प्रकरण : कञ्चनपुरमा प्रहरीले गोली चलाउँदा किशोरको मृत्यु

भवानी भट्ट, चित्रांग थापा

कञ्चनपुर — किशोरीको बलात्कारपछि हत्या घटनामा प्रहरी अनुसन्धानप्रति असन्तुष्टि जनाउँदै प्रदर्शनमा उत्रिएका स्थानीयमाथि प्रहरीले गोली चलाउँदा शुक्रबार महेन्द्रनगरमा एक जनाको मृत्यु भएको छ । महेन्द्रनगर, भगतपुरका १४ वर्षीय सन्नी खुनाको मृत्यु भएको हो । 

अञ्चल अस्पतालबाट रिफर भई धनगढी लैजाने क्रममा उनको मृत्यु भएको एसपी कुवेरसिंह कठायतले जानकारी दिए ।

प्रहरीको गोली र लाठीचार्जबाट २४ जना घाइते भएका छन् । गोली लागेका ७ जनालाई थप उपचारका लागि सेती अञ्चल अस्पताल धनगढी लगिएको छ । लाठीचार्ज र भागदौडबाट घाइते १७ जनाको महाकाली अञ्चल अस्पतालमा उपचार भइरहेको छ । बजार तनावग्रस्त भएपछि राति ८ बजेदेखि स्थानीय प्रशासनले कफ्र्यु आदेश जारी गरेको छ ।

बिहीबार रातिदेखि कफ्र्यु लगाइएपछि शुक्रबार दिउँसोसम्म शान्त रहेको बजार क्षेत्रमा एकाएक आन्दोलन चर्किएको थियो । जिल्ला प्रशासन कार्यालयको गेटमा प्रदर्शनकारीसँग झडप भएपछि प्रहरीले तीस राउन्डभन्दा बढी गोली चलाएको थियो ।

साउन १० गते हराएकी किशोरीको शव भोलिपल्ट फेला परेको थियो । उनको बलात्कारपछि हत्या भएको थियो । घटनाकै दिनदेखि स्थानीयले दोषीलाई कारबाही माग्दै आन्दोलन थालेका थिए । प्रहरीले सोमबार मानसिक अवस्था ठीक नभएका ४१ वर्षीय दिलीप विष्टलाई मुख्य अभियुक्तका रूपमा सार्वजनिक गरेपछि आन्दोलन झन् चर्किएको हो । स्थानीयले किशोरी पढ्न गएको घरका परिवार सदस्यमाथि अनुसन्धान नगरी नक्कली अभियुक्त सार्वजनिक गरेको आरोप लगाएका छन् । आन्दोलन चर्किंदै गएपछि सरकारले बिहीबार मात्रै कञ्चनपुरका प्रमुख जिल्ला अधिकारी र प्रहरी प्रमुख फेरेको थियो ।

उच्चस्तरीय छानबिन टोली महेन्द्रनगरमा
घटना अनुसन्धानका लागि गृह मन्त्रालयको उच्चस्तरीय छानबिन समिति महेन्द्रनगर पुगेको छ । समितिले शुक्रबारदेखि नै विभिन्न सरोकारवाला निकायसँग छलफल सुरु गरेको छ । गृह मन्त्रालयका सहसचिव हरिप्रसाद मैनाली नेतृत्वको समितिले पहिलो चरणमा शुक्रबार सुरक्षा निकायसँग आन्तरिक छलफल गरेको छ । ‘यहाँको वस्तुस्थिति बुझ्नुका साथै छलफल प्रारम्भ गरिसकेका छौं,’ मैनालीले भने, ‘सुरक्षा निकाय र अन्य सरोकारवालासँग छलफल गरेका छौं ।’

उनले पीडित पक्ष, केन्द्रीय अनुसन्धान ब्युरोको टोली, स्थानीय, राजनीतिक दल र अन्य सरोकारवालासँग पनि छलफल गर्ने बताए । ‘छानबिनका क्रममा कमीकमजोरी देखिए सच्याएर जान्छौं,’ उनले भने, ‘सबैसँग समन्वय गरेर अगाडि बढ्छौं ।’

रोकिएन प्रदर्शन
प्रदर्शनका कारण शुक्रबार चौथो दिन पनि महेन्द्रनगर बजार तनावग्रस्त रह्यो । बजार क्षेत्रमा आन्दोलनकारीले टायर बालेका छन् भने गाउँमा पनि प्रदर्शन भएको छ । दिनभर बजार क्षेत्र शान्त रहे पनि साँझ एकाएक प्रदर्शन उग्र बनेको थियो । राजमार्ग क्षेत्रमा टायर बालेर यातायात अवरुद्ध गरिएको छ । प्रहरीले चलाएको गोली लागेर बिहीबार ८ जना घाइते भएको जिल्ला प्रहरी कार्यालयले जनाएको छ । प्रदर्शनकारीको ढुंगा प्रहारबाट ४ जना प्रहरी घाइते छन् ।

पूर्व(पश्चिम राजमार्गअन्तर्गत विभिन्न ठाउँमा टायर बालेर यातायात बन्द गरिएको छ । भीमदत्त नगरपालिकाको सुकाशाल, वेदकोटको लालपुर, कृष्णपुरको गुलरिया तथा बेलौरी र बेल्डाँडीमा पनि किशोरी हत्याको घटनालाई लिएर स्थानीयले प्रदर्शन गरेका छन् ।

सरकारले बिहीबार मात्र खटाएका नयाँ एसपी कठायतले जिल्लाका सबै राजनीतिक दल, नागरिक समाज, पीडित पक्ष र अन्य सरोकारवालासँग छलफल गरेर अघि बढ्ने बताए । ‘सँगसँगै बलात्कारपछि हत्या गरिएको घटनाको अनुसन्धान पनि अगाडि बढाइने छ,’ उनले भने ।

प्रकाशित : भाद्र ८, २०७५ १८:४४
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT