कांग्रेस महासमिति बैठक दुई महिनापछि सर्‍यो

मंसिर ५ देखि ९ सम्म काठमाडौंमा हुने
कान्तिपुर संवाददाता

काठमाडौँ — अन्तत: कांग्रेस महासमिति बैठक दुई महिनापछि सरेको छ । कांग्रेस केन्द्रीय कार्यसमितिको आइतबारको बैठकले महासमिति बैठक मंसिर ५ देखि ९ गते काठमाडौंमा गर्ने निर्णय लिएको हो । यसअघि वैशाख १६ को केन्द्रीय कार्यसमितिको बैठकले नै भदौ महिनाभित्र महासमिति बैठक गर्ने निर्णय गरेको थियो । 

सभापति शेरबहादुर देउवाले महामन्त्री पूर्णबहादुर खड्काको नेतृत्वमा गठित विधान मस्यौदा समितिले दुई साताभित्र विधानको मस्यौदा सम्पन्न गर्न नसक्ने र त्यसपछि चाडपर्व सुरु हुने भएकाले मंसिरमा महासमिति बैठक गर्ने प्रस्ताव गरेका थिए । जसलाई सर्वसम्मतिले पारित गरेको कांग्रेस केन्द्रीय सदस्य अर्जुननरसिंह केसीले बताए । ‘वैचारिक द्वन्द्वबीच महासमिति बैठक मंसिरको पहिलो सातामा गर्ने निर्णय भएको छ’ उनले भने,‘जुन उद्देश्य पूरा गर्न महासमिति बैठक गर्न लागिएको हो त्यसलाई पन्छाएर आयोजना गर्नुको कुनै तुक नभएकाले मंसिरमै गर्ने निर्णय भयो ।’

Yamaha


तर, आन्तरिक विवादका कारण पार्टीको केन्द्रीय कार्यसम्पादन समिति र अनुशासन समिति गठन भने हुन सकेन । वरिष्ठ नेता रामचन्द्र पौडेल पक्षले यसअघि नै सदस्य संख्याको अनुपातमा आफ्नो पक्षले पाउनु पर्ने माग गरेका कारण कार्यसम्पादन समितिमा सहमति जुट्न नसकेको हो । अनुशासन समितिको काममा निष्पक्ष र पारदर्शिता हुनुपर्ने भएकाले समितिमा बस्ने सदस्यहरु सर्वस्वीकार्य हुनुपर्नेमा पौडेल पक्षले जोड दिएको छ ।

प्रकाशित : भाद्र ९, २०७५ १७:३१
ADVERTISEMENT
प्रतिक्रिया
पठाउनुहोस्
ADVERTISEMENT

बिनाअनुमति सञ्चालित कक्षा बन्द गर्न गुरुकुललाई पत्र

कान्तिपुर संवाददाता

नारायण शर्मा — बिनाअनुमति चलाइएका कक्षा बन्द गराउन वैद्धिक कर्मकाण्ड गुरुकुललाई शिक्षा कार्यालयले पत्र लेखेको छ । दुम्कौलीस्थित शास्वतधामद्वारा सञ्चालित गुरुकुलमा पठनपाठन हुँदै आएको कक्षा ८ बन्द गराउन शिक्षा विकास तथा समन्वय इकाईका प्रमुख कृष्णचन्द्र पोखरेलले पत्र लेखेका हुन् ।

कक्षा ६ र ७ को अनुमति लिएर संस्कृत पठनपाठन गराउँदै आएको गुरुकुलले कक्षा ८ सञ्चालनको अनुमति माग्दै गत पुस ३० गते जिल्ला शिक्षा कार्यालय र देवचुली नगरपालिकामा निवेदन दर्ता गराएको थियो । कार्यालयले कक्षा ८ सञ्चालन गर्दै गर्नु र पछि अनुमति प्रदान गरिने छ भन्ने मौखिक आश्वासन दिएपछि कक्षा ८ सञ्चालन गरिएको गुरुकुल दाबी गरेको छ ।

नि:शुल्क आवास, अध्ययन अध्यापनको सुविधा उपलब्ध हुने गुरुकुलमा सञ्चालित कक्षा ८ को पढाई बन्द गर्ने निर्णयले विद्यार्थी र अभिभावक निराश भएका प्रशासनले बताएको छ । ‘सरकारी अनुमतिका लागि तोकिएको समयमै गुरुकुलले सरकारी निकायमा लिखित पत्र दर्ता गराएका थियो, अनुमति देलान्भन्दा विद्यालय बन्द गर्नु भन्ने ब्यहोराको पत्र एक्कासी पत्रपत्रिकामा देखियो ’ गुरुकुलका प्राचार्य विष्णु घिमिरेले भने, 'बन्द गर्ने विषय सार्वजनिक भएपछि बैतडीदेखि ताप्लेजुङसम्मका अभिभावक चिन्तित भएका छन् ।'

देवचुली नगरपालिका १३ का वडाध्यक्ष दिलबहादुर खत्रीले यस्तो दुरासययुक्त ब्यबहारले सनातन धर्ममाथि प्रहार गरेको टिप्पणी गरेका छन् ।

प्रकाशित : भाद्र ९, २०७५ १७:२१
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT