कञ्चनपुर घटनाका दोषीलाई कारबाही हुन्छ : प्रधानमन्त्री

उनले घटनालाई सरकारले गम्भीर रुपमा लिएकोले छानबिन समिति गठन गरेर काम अघि बढाएको प्रस्ट पारे । 'यस घटनाको आवरणमा हिंसा भड्काउने प्रयास भएका छन् । यसमा सरकार गम्भीर छ' प्रधानमन्त्री ओलीले भने, 'यस्ता व्यक्तिहरुको पहिचान गरी कारबाही गर्न र स्थितिलाई सहज बनाउन सुरक्षा निकायलाई निर्देशन दिइसकिएको छ ।' घटनामा आशंका गरिएका व्यक्तिहरुलाई अनुसन्धानको घेरामा ल्याउन र दोषी भए कडा कानुनी कारबाही गर्न प्रधानमन्त्रीको निर्देशन छ ।

प्रधानमन्त्री ओलीले आन्दोलनको बहानामा व्यक्तिगत र सार्वजनिक सम्पत्ति तोडफोड गर्नेलाई कानुनबमोजिम कारबाही गर्न सरकार प्रतिबद्ध रहेको पनि बताए । 'बालिका बलात्कार गरी हत्या गर्ने, आन्दोलनका नाममा तोडफोड गर्ने र हिंसा मच्चाउने सबैलाई कारबाही हुन्छ । यसमा सरकारले कुनै कसर बाँकी राख्दैन ।' ओलीले घटनालाई राजनीतिकरण गर्नेहरुबाट सजग हुन पनि आग्रह गरेका छन् ।

ओली र दाहाललाई भेट्न नेकपाका स्थायी समिति सदस्य भीम रावल नेतृत्वको टोली बालुवाटार पुगेको थियो ।