चालकको लापरबाहीबाट ९० प्रतिशत बढी दुर्घटना

रासस/याेन्हाप

काठमाडौँ — काठमाडौं उपत्यकामा चालकको लापरबाहीका कारण बढी दुर्घटना हुने गरेको छ । 

महानगरीय ट्राफिक प्रहरी महाशाखा रामशाहपथले दिएको जानकारी अनुसार कूल दुर्घटनाको ९० प्रतिशत भन्दा धेरै चालकको लापरबाहीले हुने गरेको हो । आर्थिक वर्ष २०७४/७५ मा भएको ६ हजार ३ सय ८१ दुर्घटनामध्ये चालकको लापरबाहीले मात्र ५ हजार ९ सय ६१ दुर्घटना भएको छ ।
यस्तै तीव्र गतिका कारण ७१, मादक पदार्थ सेवनले २ सय २१, यान्त्रिक गडबडी ४४, उछिन्दा (ओभरटेक) २९, पैदलयात्रुको लापरबाहीले तीन र सडकको अवस्थाका कारण ४८ दुर्घटना भएका छन् । दुर्घटनामा परी २ सय १९ गम्भीर र चार हजार ३ सय ३३ सामान्य घाइते भएका छन् ।

Yamaha


महाशाखाका प्रमुख एवं प्रहरी वरिष्ठ उपरीक्षक वसन्तकुमार पन्तले उपत्यकामा सवारी सङ्ख्या धेरै र चालकले जथाभावी चलाउँदा धेरै दुर्घटना हुने गरेको जानकारी दिए । 'बाटो साँघूरो, तीव्र गति र जथाभावी चलाउँदा धेरै सडक दुर्घटना हुने गरेको छ,' उनले भने ।

बाग्मती अञ्चलमा दर्ता भएका ११ लाख सवारी साधनमध्ये उपत्यकामा मात्र झण्डै आठ लाख सवारी साधन ओहोरदोहोर गर्ने गर्छन् । आव २०७४/७५ मा मात्र सवारी दुर्घटनाका कारण १ सय ९४ जनाको मृत्यु भएको थियो ।

दुर्घटना भएका सवारी साधनमध्ये दुईपाङ्ग्रे सवारी साधन धेरै छन् । आव २०७४/७५ मा दुर्घटनामा मरेका १ सय ९४ मध्ये १ सय ४७ पुरुष र ४७ महिला छन् । कूल मृत्युमध्ये मोटरसाइकल र स्कुटर दुर्घटनामा मात्र १ सय ११ जनाको मृत्यु भएको छ ।

Esewa Pasal

प्रकाशित : भाद्र १०, २०७५ १२:५०
ADVERTISEMENT
प्रतिक्रिया
पठाउनुहोस्

फ्रेन्साइज गायन प्रतियोगिता ‘द भ्वाइस अफ नेपाल’ शनिबारदेखि 

कान्तिपुर संवाददाता

काठमाडौँ — विश्वकै उत्कृष्ट मानिएको फ्रेन्साइज गायन प्रतियोगिता ‘द भ्वाइस अफ नेपाल’ को शनिबार साझ ९ बजे कान्तिपुर एचडी टेलिभिजन र डिस होम रमाइलो एचडीबाट प्रत्यक्ष प्रसारण भएको हो। 

मोबाइल एपमार्फत गरिएको यो डिजिटल अडिसनबाट छानिएका प्रतिष्पर्धीहरुले ब्लान्ड अडिसनमा आफ्नो प्रस्तुति दिनेछन्। ‘द भ्वाइस अफ नेपाल’को टाइटल विजेताले २५ लाख नगद सहित ब्राण्डेड कार, २० लाखको म्युजिक एल्बम कन्ट्याक्ट र वर्ल्ड टूर पाउनेछन्।

विश्वका १९२ बढी मुलुकमा सफल प्रसारण भएको यो प्रतियाेगितालेनेपालमा पनि सबैको मन जित्ने विश्वास लिएको कार्यक्रमका निर्देशक लक्ष्मण पौडेल बताए।

साथै द भ्वाइस अफ नेपालको प्राविधिक पार्टनर सवी टेक्नोलोजीका अनुसार द भ्वाइसन अफ नेपालको मोबाइल एप यूटुबमार्फत पनि विभिन्न प्रस्तुतिहरु देखाइने छ।

यो नेपालको सबैभन्दा राम्रो सो बनेको एएनसी इभेन्ट म्यानेजमेन्टका प्रबन्धक निर्देशक प्रल्हादसिंह महत भट्टचले दाबी गरेका छन्।

प्रकाशित : भाद्र १०, २०७५ १२:३३
पूरा पढ्नुहोस्
प्रतिक्रिया
पठाउनुहोस्
ADVERTISEMENT