तत्कालीन चिकित्सा शिक्षासम्बन्धी नीति तर्जुमा उच्चस्तरीय कार्यदलका पदाधिकारीले पैसा हुनेले मात्रै चिकित्सा शिक्षा अध्ययन गर्ने गरी कानुन बनाउन नहुने बताएका छन् ।
राष्ट्रपति चुरे तराई–मधेस संरक्षण विकास समितिले आफ्ना गाडी र इन्धन दुरुपयोग रोक्ने निर्णय गरेको छ । पदाधिकारीले निजी काममा सवारी साधन (स्कर्पियो) र इन्धन महिनौंदेखि दुरुपयोग गरिरहेको आवाज उठेपछि समितिले त्यस्तो निर्णय गरेको हो ।
सरकारले चिकित्सकसँग सम्बन्धित ऐन संशोधनको प्रक्रिया अगाडि नबढाए भदौ १६ गतेदेखि देशैभरी सञ्चालन गर्ने नेपाल चिकित्सक संघले निर्णय गरेको छ । संघले हालकै अवस्थामा स्वास्थ्य सेवा सञ्चालन गर्न नसक्ने ठहर गर्दै उक्त निर्णय गरेको हो ।
नाममा ‘बहुपक्षीय प्राविधिक तथा आर्थिक सहयोग’ भएपनि बिमस्टेक क्षेत्रीय संगठन पनि कागजमा निर्णय गर्ने र कार्यान्वयन नगर्ने दक्षिण एशियाली मञ्च सार्कजस्तै स्वरुपमा रुपान्तरित हुने क्रममा छ ।
राष्ट्रियसभाका चारवटा विषयगत समितिको सभापति भागबण्डामा सत्तारुढ दल नेकपा र कांग्रेसबीच सहमति भएको छ । सहमतिअनुसार नेकपाले तीनवटा र कांग्रेसले एउटा समितिको सभापति लिने छन् ।
प्रहरी परिसर काठमाडौंले स्रोत नखुलेको ६१ हजार ६ सय ३० अमेरिकी डलरसहित दुई जनालाई पक्राउ गरेको छ । प्रहरीले लैनचौरको खानी विभाग नजिकबाट अमर विश्वकर्मा र धनबहादुर खड्कालाई मंगलबार पक्राउ गरेको हो ।
वन तथा वातावरणमन्त्री शक्तिबहादुर बस्नेत र उनको निजी सचिवालयले मूल भवनका दुइटा फ्लोर ओगटेपछि मन्त्रालयका महाशाखा अन्यत्र सरेका छन् । मन्त्रीले निजी सचिवालयमा कार्यरत पार्टी कार्यकर्ताका लागि कोठा छुटयाउँदा मन्त्रालयका महत्त्वपूर्ण महाशाखा सिंहदरबारभित्रै तीनतिर बाँडिन पुगेका हुन् ।
राष्ट्रिय गौरवको कार्यक्रमभित्र पर्ने ‘राष्ट्रपति चुरे तराई–मधेश संरक्षण विकास समिति’मा सवारी साधनको अत्यधिक दुरुपयोग भएको भन्दै छानबिनका लागि वन तथा वातावरण मन्त्रालयको ध्यानाकर्षण गराइएको छ ।
सरकारले दुई वर्षभित्र सबै स्थानीय तहमा प्राविधिक शिक्षालय खोल्ने तयारी गरिरहँदा ५ सय ३५ तह प्राविधिक तथा व्यावसायिक शिक्षाको पहुँचबाहिर छन् । भएका शिक्षालय र कार्यक्रम पनि सुगम क्षेत्रमा मात्रै छन् ।
कांग्रेसले लेखा समितिको सभापतिमा सांसद भरत शाहलाई प्रस्ताव गर्ने भएको छ । कांग्रेस सभापति शेरबहादुर देउवाले समितिको सभापतिमा पार्टीका तर्फबाट शाहको नाम प्रस्ताव गर्ने निर्णय गरेका हुन् ।
भूमि व्यवस्था तथा सहकारी मन्त्री पद्माकुमारी अर्यालले नापी तथा मालपोत कार्यालयमा सम्पूर्ण काम अनलाइन पद्धतिबाट सुरु गर्न सम्बन्धित अधिकारीलाई निर्देशन दिएकी छन् ।
प्रधानमन्त्री केपी शर्मा ओलीले स्थानीय तहमा करको विषयमा फैलाइएको भ्रम चिर्न जनप्रतिनिधिलाई आग्रह गरेका छन् । प्रधानमन्त्रीले भने, 'हामीले ठूलो त्याग र बलिदान गरेर स्थापना गरेको संघीय लोकतान्त्रिक प्रणाली स्थापना गरेका हो । नयाँ अभ्यास गर्दा केही कमी कमजोरी हुन सक्छ । त्यसलाई सच्याएर लैजानु पर्दछ । गलत हल्ला र प्रचारको पछाडि नलागौँ ।'
प्रतिनिधिसभाकी उपसभामुख शिवमाया तुम्बाहाम्फेले बलात्कारीलाई फाँसीको सजाय दिने कानुन निर्माण गर्न नसकिने बताएकी छन् । उनले देशमा बलात्कार तथा यौनजन्य हिंसाका घटना बढे पनि त्यसमा संलग्नलाई फाँसीको सजाय दिने कानुन बनाउन नसकिने बताइन् ।
म्यानमारका राष्ट्रपति विन मिन्ट काठमाडौं आइपुगेका छन् । राष्ट्रपति मिन्ट बहुपक्षीय प्राविधिक तथा आर्थिक सहयोगका लागि बंगाल खाडीको प्रयास (बिमस्टेक) सम्मेलनमा भाग लिनका लागि मंगलबार अपराह्न काठमाडौं आइपुगेका हुन् । उनलाई स्वागत गर्न उपप्रधान तथा रक्षामन्त्री ईश्वर पोखरेल विमानस्थल पुगेका थिए ।
नेपाल कम्युनिष्ट पार्टी (नेकपा)का अध्यक्ष पुष्पकमल दाहालले पार्टीभित्र र बाहिरबाट हुने सक्ने आलोचना र विवादबाट बच्न सार्वजनिक रुपमा सार्वजनिक चर्चामा नआएको आफ्नो पूर्वनिर्धारित लखनऊ यात्रा अन्तिम समयमा आएर स्थगित गरेका छन् ।
१३ वर्षीया किशोरीको बलात्कारपछि हत्या घट्नाको अनुसन्धानको माग गर्दै चर्केको आन्दोलन पश्चात् तनावग्रस्त बनेको महेन्द्रनगर बजार क्षेत्रमा लगाइएको कर्फ्यू मंगलबार पनि राति ८ बजेदेखि बुधबार बिहान ४ बजेसम्म लाग्ने भएको छ ।
एक महिनाभन्दा बढी समय उपचारमा राखेको एक नाबालकको अन्तत् बायाँ हात काटिएको छ । अभिभावकले चिकित्सकको लापरवाहीले हात काट्नु परेको आरोप लगाएका छन् भने चिकित्सकले मृत्युको मुखमा पुगेको बच्चालाई बचाइएको बताएका छन् ।
प्रधानमन्त्री केपी शर्मा ओलीले बहुक्षेत्रीय प्राविधिक तथा आर्थिक सहायताका लागि बंगालको खाडीका देशहरूको प्रयास (बिमस्टेक) को चौथो शिखर सम्मेलनबारे संसदमा जानकारी गराएका छन् । मंगलबार दिउँसो बसेको संसद बैठकलाई उनले बिमस्टेक सम्मेलन किन आयोजना गरियो र यसमा के के हुँदै छ भनेर सांसदलाई जानकारी गराएका छन् ।
बहुक्षेत्रीय प्राविधिक तथा आर्थिक सहायताका लागि बङ्गालको खाडीका देशहरूको प्रयास (बिमस्टेक) को चौथो शिखर सम्मेलनमा भाग लिन आउने पाहुनाको आवागमन र सुरक्षालाई मध्यनजर राख्दै त्रिभुवन विमानस्थलमा हवाई यात्रुबाहेक अन्यलाई प्रवेश गर्न निषेध गरिएको छ । आजैदेखि लागू हुने गरी यो अनुरोध गरिएको छ ।
तत्कालीन सशस्त्र प्रहरी बल अरुण गुल्म (हालको ४ नम्बर गुल्म) संखुवासभा चैनपुरको सवारी साधनमा सखुवाको काठ तस्करी प्रकरणकाे अनुसन्धान अन्तिम चरणमा पुगेको छ ।
