युवाले पाए शैक्षिक प्रमाणपत्र धितो राखेर ऋण

राजबहादुर शाही

मुगु — खत्याड गाउँपालिका–८ सुकाढिक गाउँका वसन्त विकले शैक्षिक प्रमाणपत्र धितो व्यावसाय सञ्चालनको लागि निब्र्याजी २ लाख ऋण पाएका छन् ।

जनरल हेल्थ अध्ययन गरेर कतै रोजगार नपाएपछि आयआर्जनको निम्ति छायाँनाथ बचत तथा ऋण सहकारी संस्थामा आफ्ना सक्कल शैक्षिक योग्यताका प्रमाणपत्र धितो राखेर २ लाख ऋण लिएर किराना पसल सञ्चालन गर्न थालेका छन् ।

Yamaha


दु:खगरी पढेर रोजगार नपाएपछि शैक्षिक प्रमाणपत्र धितो राखेर २ लाख ऋणले दिगो व्यावसाय सञ्चालन गर्ने वसन्तले बताए । ‘प्रमाणपत्र बाकसमा राखेर के गर्नु ?’ उनले भने,‘बरु धितो राखेर ऋण लिनु उत्तम । ’

जिल्लामा बसन्त मात्र नभएर ३५ वर्षभन्दा मुनिका दिपक कार्की, जीवन कार्की लगायत ४ जना युवाले पहिलो पटक मंगलबार छायाँनाथ बचत तथा ऋण सहकारी संस्थाबाट आयआर्जनको लागि प्रति व्यक्ति दुई लाख रुपैया शैक्षिक लोन प्राप्त गरेका छन् ।

नेपाल सरकारको निति तथा कार्यक्रम अनुसार राष्ट्रिय युवा परिषद् मुगुका ४ जना युवालाई व्यावसाय सञ्चालनको निम्ति छनौट गरी सहकारी संस्थालाई ऋण उपलब्ध गराउन सिफारिस गरेको छ ।

यस जिल्लामा प्रथम पटक युवाले शैक्षिक प्रमाणपत्र धितोमा राखेर व्यावसाय सञ्चालन गर्न ऋण प्राप्त गरेको सहकारी संस्थाका कोषाध्यक्ष हरिबहादुर शाहीले जनाए ।

Esewa Pasal

प्रकाशित : भाद्र १२, २०७५ १७:२९
ADVERTISEMENT
प्रतिक्रिया
पठाउनुहोस्

बाढीमा बगेका दम्पत्तीमध्ये पतिको शव भेटियो 

टीकाप्रसाद भट्ट

रामेछाप — पैया खोलाको बाढीले बगाएका लिखु ५ नागदहका लिलाबहादुर तामाङको शव फेला परेको छ । सोमबार साँझ सँगै बगेकी उनकी पत्नी रणमाया तामाङ अझै बेपत्ता छिन् ।

जिल्ला प्रहरी कार्यालय रामेछापका अनुसार लिलाबहादुरको शव लिखु तामाकोसी गाउँपालिकाको छापगाउँ भन्ने स्थानमा मंगलबार अपराह्न फेला परेको हो । मृतकको शव पोस्टमार्टमका लागि जिल्ला सदरमुकामतर्फ ल्याइँदै गरेको प्रहरीले जनाएको छ ।

सोमबार गैरीमा रहेको गोठमा रहेका गाईवस्तुलाई घाँस हालेर नागदहतर्फ आउँदै गर्दा बीचमा पर्ने पैयाखोला तर्न लाग्दा बाढीले तामाङ दम्पतीलाई बगाएको थियो । पैयाखोलाको बाढी स्थानीय गैरीखोलामा मिसिन्छ ।

राति अबेरसम्म घरमा नफर्केपछि उनीहरुको खोजी थालिएको थियो । प्रहरी निरीक्षक राजेन्द्रकुमार थापाले बेपत्ता रणमायाको खोजी जारी छ । खोजी कार्यमा स्थानीय बासिन्दा, आफन्तजन र प्रहरी जुटेका छन् ।

प्रकाशित : भाद्र १२, २०७५ १७:१८
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT