६१ हजार ६ सय ३० अमेरिकी डलरसहित दुई पक्राउ

जनकराज सापकोटा

काठमाडौँ — प्रहरी परिसर काठमाडौंले स्रोत नखुलेको ६१ हजार ६ सय ३० अमेरिकी डलरसहित दुई जनालाई पक्राउ गरेको छ । प्रहरीले लैनचौरको खानी विभाग नजिकबाट अमर विश्वकर्मा र धनबहादुर खड्कालाई मंगलबार पक्राउ गरेको हो ।

प्रहरी परिसर काठमाडौंका एसपी बसन्त लामाले उनीहरु पक्राउ परेको पुष्टि गरे । उनले भने, ‘भर्खर पैसा गनेर सकियो । अब थप अनुसन्धान सुरु गर्नेछौं ।’ प्रहरी स्रोतका अनुसार उनीहरुको सम्बन्ध हुण्डी कारोबारीसँग हुनसक्ने अड्कल काटेको छ ।

प्रकाशित : भाद्र १२, २०७५ १९:०६
प्रतिक्रिया
पठाउनुहोस्
ADVERTISEMENT

नेकपाकी नेतृ पक्राउ

जनकराज सापकोटा

काठमाडौँ — प्रहरीले नेत्रविक्रम चन्द नेतृत्वको नेपाल कम्युनिष्ट पार्टीको नेता उमा भुजेललाई बालाजुबाट पक्राउ गरेको छ । 

जिल्ला प्रहरी कार्यालय काभ्रेबाट खटिएको टोलीले भुजेललाई पक्राउ गरेको हो। प्रहरी स्रोतका अनुसार अहिले भुजेललाई काभ्रे लगिँदै छ। जिल्ला प्रहरी कार्यालय काभ्रेका डिएसपी रविराज खड्काका अनुसार गत वैशाखमा क्रसर उद्योगी कुन्साङ लामाको ट्रिपर र जेनेरेटर जलाएको घटनामा संग्लनता देखिएकाले पक्राउ गरिएको हो।

प्रहरीले यसअघि पनि सोही मुद्दामा सोही पार्टीका नेता खड्गबहादुर विश्वकर्मालाई पनि पक्राउ गरेको थियो। जिप्रका काभ्रेका अनुसार यही घटनामा संग्लन नेकपाका एक दर्जन भन्दा धेरै नेताको संग्लनता देखिएको छ। प्रहरीले घटनामा संग्लन अन्य नेताको पनि खोजी तीव्र पारेको छ।

प्रकाशित : भाद्र १२, २०७५ १८:४०
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT