म्यानमारका राष्ट्रपति मिन्ट लुम्बिनीमा

माधव ढुंगाना

लुम्बिनी — म्यानमारका राष्ट्रपति विन मिन्ट बुधबार दिउँसो बुद्धको जन्मस्थल लुम्बिनी पुगेका छन् । उनी मायादेवीको मन्दिरमा पुजा गरेर म्यानमारको गुम्बा पुगेका छन् ।

मायादेवी मन्दिरमा पुजा पछि म्यानमारका राष्ट्रपति विन मिन्ट लगायत । तस्बिर : माधव ढुंगाना।कान्तिपुर ।

बिहान ११ बजे भैरहवासम्म जहाजमा र त्यसपछि हेलिकप्टरमा लुम्बिनी पुगेका राष्ट्रपति मिन्ट ३ बजे काठमाडौं फर्कने छन्। म्यानमार बुद्धधर्माबलम्बीहरुको बाहुल्यता भएको मुलुक हो।

Yamaha

उनी बिहीबारदेखि सुरु हुने बहुपक्षीय प्राविधिक तथा आर्थिक सहयोगका लागि बंगाल खाडीको प्रयास (बिमस्टेक) सम्मेलनमा भाग लिन मंगलबार अपराह्न काठमाडौं आइपुगेका थिए।

म्यानमारको गुम्बा भ्रमणपछि उनले पण्डितरामा ध्यान केन्द्रमा ध्यान गर्नेछन्।


उनलाई लम्बिनीमा संस्कृति तथा पर्यटनमन्त्री रविन्द्र अधिकारीले स्वागत गरेका थिए। राष्ट्रपति मिन्ट लुम्बिनी आउने भएपछि भ्रमण तथा दर्शनका लाग आएकालाई परिसरबाहिर नै रोकिएको छ।
म्यानमारको राष्ट्रपति विन मिनको भ्रमणका कारण लुम्बिनी परिसरमा रोकिएका सर्वसाधारण। तस्बिर : माधव ढु‌ंगाना। कान्तिपुर।

म्यानमारका राष्ट्रपति मिन्टलाई लुम्बिनी गुरुयोजनाका बारेमा कोषका हरिध्वोज राईले जानकारी गराएका थिए भने पुरातत्वविद् सन्त बिडारी लुम्बिनीको महत्व बारे बताएका थिए।

Esewa Pasal

प्रकाशित : भाद्र १३, २०७५ १२:३४
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

सवारीमा जोरबिजोर प्रणालीः यात्रुलाई सास्ती

तस्बिर : अंगद ढकाल

काठमाडौँ — काठमाडौं पेप्सीकोला टाउनप्लानिङ बस्ने १९ वर्षीया आरती पौडेल बुधबार बिहानै प्रदर्शनीमार्गस्थित नेपाल ल क्याम्पस पुगिन् । घरबाट बिहानै हिँड्दा उनलाई बस चढ्न कुनै समस्या भएन । उनले सजिलै सधैं झैं बस चढिन् र आफ्नो गन्तव्यमा पुगिन् । उनलाई भदौ १३ देखि १५ गतेसम्म सरकारले जोर र बिजोर नम्बर अनुसार सवारीसाधन चलाइएको छ भन्ने याद त थियो तर सजिलै बस पाइएकोले फर्कँदा पनि सजिलै होला भन्ने सोचिन् र गन्तव्यमा निस्किन् ।

ल क्याम्पसमा उनले आफ्नो काम सकिन् । त्यतिबेला बिहानको ९ बजिसकेको थियो । अब काम सकेपछि घर फर्किन रत्नपार्कतिर हिँडिन् । उनी रत्नपार्कबाट पेप्सी जाने बस चढ्न रत्नपार्क पुगेकी हुन् । रत्नपार्कमा उनले काँडाघारी जाने बस पाइनन् । करिव १ घण्टासम्म पनि बस आएन । उनले भनिन्, 'बस आउँछ कि भनेर कुर्दा कुर्दा १ घण्टा बित्यो तैपनि बस आएन । यस्तो सास्ती त नाकाबन्दीमा पनि पाइएको थिएन ।'

त्यसपछि आरतीले बानेश्वरसम्म जाने टेम्पो समाइन् । उनले भनिन्, 'बानेश्वरसम्म जाम । त्यसपछि काँडाघारी जाने पाइएला नत्र फेरि कोटेश्वरसम्म पुगेर बस फेर्नु पर्ला ।'भदौ १४ र १५ गते काठमाडौंमा हुन लागेको बहुक्षेत्रीय प्राविधिक तथा आर्थिक सहयोगका लागि बङ्गालको खाडीको प्रयास (बिम्स्टेक)को चौथो शिखर सम्मेलनको लागि भन्दै सरकारले १३ गतेदेखि जोर र बिजोर नम्बरका सवारी चलाउन दिएको निर्देशनले हजारौ यात्रुले सास्ती खेप्नु परेको छ ।

सरकारले नीजि तथा सार्वजनिक सवारीमा यस्तो नियम लगाउँदा यात्रुहरु समस्या परेका छन् । धेरै यात्रुहरुले सरकारले सार्वजनिक सवारीसाधन भने सञ्चालन गर्न दिनुपर्ने बताए । उपत्यकामा चल्ने ठूला, आरामदायी, लामो रुट भएका बसलाई जोर बिजोर प्रणाली नलगाउन उनीहरुले आग्रह गरेका छन् । धेरै यात्रुले सामाजिक सञ्जालमा पनि धेरै सार्वजनिक बसमा समेत जोर बिजोर प्रणाली लगाएको भन्दै विरोध गरेका छन् ।

यात्रुले उपत्यकामा चल्ने साझा, मयुर, दिगो, नेपाल, समृद्ध, मेट्रो सिटी, बुढानिलकण्ठ, ओरेन्ज, महानगर, महासागर, अन्नपूर्ण लगायतका ठूला सार्वजिनक सवारीलाई तीनैदिन चल्न दिनुपर्ने बताए । आरतीले भनिन्, 'ठूला ठूला बस चलाउन दिए धेरै यात्रु बोक्थे । यसरी घण्टौंसम्म कुरेर बस्नु पर्दैन थियो नी। '

तस्बिरः भुषण तुलाधरको ट्विटबाट

प्रकाशित : भाद्र १३, २०७५ १२:३३
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT