श्रीलंकाका राष्ट्रपति मैत्रीपाला सिरिसेना काठमाडौंमा

उनलाई उपप्रधान तथा रक्षामन्त्री ईश्वर पोखरेल विमानस्थल स्वागत गरेका थिए । सम्मेलन बिहीबार र शुक्रबार काठडमाडौंमा हुँदैछ । सम्मेलनमा भाग लिनका लागि म्यानमारका राष्ट्रपति मंगलबार र भुटानका अन्तरिम सरकारका प्रमुख सल्लाहकार ल्योन्पो छिरिङ वाङचुक बुधबार बिहान राजधानी आइपुगेका छन् ।

बिमस्टेकमा नेपाल अध्यक्ष रहेको छ भने बंगलादेश, भारत, श्रीलंका, थाइल्यान्ड, म्यानमार, भुटानका राष्ट्र प्रमुखहरु सम्मेलनमा सहभागी हुने छन् । बिमस्टेक सन् १९९७ मा स्थापना भएको हो । बिमस्टेकको पहिलो सम्मेलन थाइल्यान्डमा सन् २००४ मा भएको थियो । दोस्रो भारतमा सन् २००८ मा भएको थियो । तेस्रो शिखर सम्मेलन ६ वर्षपछि सन् २०१४ मा म्यानमारमा भएको थियो । नेपालमा हुन लागेको चौथो सम्मेलन हो ।

तस्बिरहरुः अंगद ढकाल/ कान्तिपुर