एेन संशाेधन नभएकाे भन्दै चिकित्सक संघद्वारा आन्दोलन घाेषणा

अतुल मिश्र

काठमाडौँ — मुलुकी एेन संशोधनको प्रक्रिया अगाडि नबढाएकाे भन्दै नेपाल चिकित्सक संघले आइतबारदेखि देशव्यापी विरोधका कार्यक्रम संञ्चालन गर्ने निर्णय गरेको छ ।

भदौ १ गते देखि लागू भएको मुलुकी ऐन, मुलुकीअपराध (संहिता) ऐन २०७४ र मुलुकी फौजदारी कार्यविधि ऐन २०७४ ऐनमा सरकारले संशोधनको प्रक्रिया अगाडि नबढाएकोले आकस्मिक बाहेकका सेवासम्म बन्द गर्ने गरीविरोधमा उत्रिएकाे संघले जनाएकाे छ।

Yamaha

‘मन्त्री ज्युहरुसँग भेट्नजाँदा उहाँहरुले तपाईहरुसँग गलत भयो, तपाईहरुको माग जायज छ भन्नुहुन्छ तर व्यवहारमा केही गर्नु भएको देखिएन’, चिकित्सक संघका अध्यक्ष डा.मुक्तिराम श्रेष्ठले कान्तिपुरसँग भने, ‘सरकार हाम्रो मागप्रति सम्वेदनशील नहुँदा बाध्य भएर आन्दोलनका कार्यक्रम सार्वजनिक गरेका हौं।’

उनीहरुले स्वास्थ्य संस्था, चिकित्साकर्मीहरु माथि आक्रमण हातपात गर्नेलाई ‘जेल विदआउट वेल’ को प्रावधानसमेत लागु गर्न माग गर्दै देशव्यापी विरोध कार्यक्रम सार्वजनिक गरेका छन्।

संघले अगामी आइतबार (भदौ १७ गते) देशभरीका स्वास्थ्य संस्थामा आकस्मिक बाहेकका सेवाबन्द गर्ने निर्णय गरेकोछ।यस्तै चिकित्सकहरुले सोमबार मुलुकभरीको स्वास्थ्य संस्थाका प्रशासनिक कामहरु बन्द गर्ने, मंगलबारदेखि आकस्मिक बाहेकका अन्य अन्तरंग सेवामा बिरामी भर्ना नलिने, बुधबारदेखि आकस्मिक सेवा बाहेकका अन्य शल्यक्रिया बन्द गर्ने, बिहीबारदेखि आकस्मिक सेवा बाहेकका ल्याब तथा रेडियोलोजी सेवाहरु बन्द गर्ने निर्णय गरेकाे छ।

‘यति हुँदाहुँदै पनि सरकारले हाम्रो कुरा नसुने अगामी शुक्रबारदेखि आकस्मिक बाहेक बहिरंग लगायतका सबै सेवा माग सम्वोधन नभएसम्म बन्द गर्ने निर्णय गरेका छौं’, संघका अध्यक्ष डा.श्रेष्ठले भने।

ऐनमा भएका विवादित दफा, उपदफा संशोधन गर्ने प्रतिबद्धता सरकारवाट जारी भएकोले भदौ १५ गतेसम्म संशोधन प्रक्रियाका लागि आन्दोलन स्थगित गरिएको उनले जनाए।

प्रकाशित : भाद्र १५, २०७५ १९:११
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

बेपत्ता पत्रकारको खोजीमा सेना परिचालन 

अर्जुन शाह

धनगढी — बाजुराको बुढीनन्दा एफएममा कार्यरत ३८ वर्षीय पत्रकार तेजबहादुर खड्का ६ दिनदेखि बाजुराको बुढीनन्दा क्षेत्रबाट बेपत्ता छन् । उनको खोजी कार्यमा प्रहरी र सेनाको टोली परिचालित छ । 

पत्रकार महासंघले पत्रकार खड्काको खोजी कार्यमा थप बल पुर्‍याउन केन्द्रिय महासचिव रमेश बिष्टको संयोजकत्वमा गठन गरेको मिसन टोलीले प्रदेश ७ का मुख्यमन्त्री त्रिलोचन भट्ट र आन्तरिक मामिला तथा कानुन मन्त्री प्रकाशबहादुर शाहसंग छलफल गरेको छ ।

प्रदेशका आन्तरिक मामिला तथा कानुन मन्त्री प्रकाशबहादुर शाहले खड्काको खोजी गर्न सेनानीको नेतृत्वमा नेपाली सेनाको टोली र प्रहरी निरीक्षकको नेतृत्वमा प्रहरी टोली खोजी कार्यमा परिचालन भइरहेको बताएका छन् । खड्का जनैपूर्णिमाको अघिल्लो दिन ९ गतेदेखि हराएका हुन् ।

मिसन टोलीसमक्ष मन्त्री शाहले पत्रकार खड्काको खोजी कार्यलाई प्रदेश सरकारले गम्भिरताताका साथ लिएको बताए । ‘खोजी कार्यमा कुनै कसर बाँकी रहन्न’ उनले भने । पृतनापति झंकर कडायतले खोजीमा खटिएको सेनाको टोलीले शुक्रबारदेखि बुढीनन्दा क्षेत्रमा बेस खडा गरेर खोजी गरिरहेको बताएका छन् । ‘शुक्रबार २२ जनाको टोली थप पठाएका छौं’ पृतनापति कडायतले भने ‘त्यस क्षेत्रमा बाक्लो कुहिरो र सिमसिम वर्षा भइरहने भएकाले अप्ठेरो भइरहेको छ ।’ पत्रकार महासंघका केन्द्रिय महासचिव रमेश बिष्टले खोजी कार्यमा कुनै कमजोरी हुन नदिन आग्रह गरेका छन् ।

बुढीनन्दा बाजुराको प्रसिद्ध तीर्थस्थल हो । त्यहाँबाट फर्किने क्रममा शनिबारदेखि खड्का बेपत्ता भएका हुन् । लौरीविनायकमा पुगेपछि त्यहाँबाट करिब २ घण्टा माथि रहेको वरमाग्ना भन्ने स्थानमा आफ्नो समान छुटेको बताएर उनी फर्किएका रेडियो बुढीनन्दाका नहकुल जोशीले बताए ।

पत्रकार खड्काले ०५५ सालदेखि १४ वर्ष रेडियो नेपालको क्षेत्रिय प्रसारण केन्द्र दिपायलमा काम गरेका थिए । त्यसपछि उनी रेडियो नेपालको केन्द्रीय प्रसारण केन्द्र काठमाडौंबाट समेत काम गरेका थिए । रेडियो नेपालमा रहँदा उनको ‘देउडा गीतको सेरोफेरो’ र गीतिकथाको कार्यक्रम निकै चर्चित थियो । पछिल्लो समय उनी रेडियो नेपाल छाडेर एक वर्षदेखि बाजुराको बुढीनन्दा एफएममा कार्यरत थिए ।

बुढीनन्दा करिब १६ हजार फिटको उचाईमा पर्दछ । मानववस्तीविहीन यो क्षेत्रमा जनैपूर्णिमाको अघिल्लो दिन मेला लाग्दछ । बुढीनन्दा यात्रा अत्यन्तै कठिन मानिन्छ । तिलिचोपछिको उचाईमा रहेको ताल बुढीनन्दा हो । यसस्थानमा पुग्न ठाडै उकालो बाटो, अत्यधिक चिसो, लेक लाग्ने, अधिकांश समय वर्षा र कुहिरो लागिरहन्छ । सञ्चार सम्पर्कसमेत नहुने त्यस ठाउँमा वर्षको एक दिन मात्र मानिस हुने अघिपछि सुनसान हुन्छ । छाप्रे पाटनसम्म भने स्थानीय बासिन्दाका भैसी खर्कहरु हुन्छन् ।

प्रकाशित : भाद्र १५, २०७५ १८:५७
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT