भारत र बंगलादेशका प्रधानमन्त्री स्वदेश फिर्ता

कान्तिपुर संवाददाता

काठमाडौँ — बहुक्षेत्रीय प्राविधिक तथा आर्थिक सहयोगका लागि बङ्गालको खाडीको प्रयास (बिम्स्टेक) को चौथो शिखर सम्मेलनमा भाग लिन आएका भारतका प्रधानमन्त्री नरेन्द्र मोदी र बङ्गलादेशका प्रधानमन्त्री शेख हसिना शुक्रबार साँझ स्वदेश फर्किएका छन् । 

त्रिभुवन अन्तर्राष्ट्रिय विमानस्थलको अति विशिष्ट कक्षमा उपप्रधानमन्त्री एवं स्वास्थ्य तथा जनसङ्ख्यामन्त्री उपेन्द्र यादवले भारतीय प्रधानमन्त्री मोदीलाई बिदाइ गरे । उक्त अवसरमा परराष्ट्र मन्त्रालयका उच्च अधिकारी र नेपालका लागि भारतका राजदूत लगायतको उपस्थिति थियो । त्यसअघि भारतीय प्रधानमन्त्री मोदी पशुपतिमा आयोजित नवनिर्मित धर्मशाला हन्तान्तरण समारोहमा सहभागी भएका थिए । बिम्स्टेक शिखर सम्मेलनमा सहभागी हुन मोदी बिहीबार काठमाडौँ आएका थिए ।

Yamaha


यस्तै, बङ्गलादेशका प्रधानमन्त्री शेख हसिनालाई त्रिभुवन अन्तर्राष्ट्रिय विमानस्थलको अति विशिष्ट कक्षमा उपप्रधानमन्त्री एवं रक्षामन्त्री ईश्वर पोखरेलले बिदाइ गरे । बिम्स्टेकमा भाग लिनका लागि बङ्गलादेशको प्रतिनिधिमण्डलको नेतृत्व गर्दै उनी बिहीबार काठमाडौँ आएका थिए ।

Esewa Pasal

प्रकाशित : भाद्र १५, २०७५ २०:४५
ADVERTISEMENT
प्रतिक्रिया
पठाउनुहोस्
ADVERTISEMENT

साँघुबाट चिप्लिँदा श्रीमान्‌को मृत्यु, श्रीमती बेपत्ता

हरि गौतम

रुकुमपश्चिम — बडगाई खोलाको साँघु तर्ने क्रममा चिप्लिँदा श्रीमान्‌को मृत्यु भएको छ भने श्रीमती बेपत्ता छिन् । बाँफिकोट गाउँपालिका ५ बाट ६ नम्बर हुँदै घर जाने क्रममा बाँफिकोट गाउँपालिका ८ दुलीखाका ५० वर्षीय अमृत घर्तीको मृत्यु भएको हो भने उनकी श्रीमती ४८ वर्षीया तुलषा बेपत्ता रहेको प्रहरीले जनाएको छ ।

बाँफिकोट गाउँपालिका ५ मा रहेको छोराको ससुरालीबाट फर्कने क्रममा दम्पती ढाँराखोलास्थित बडगाई खोलामा बनाइएको काठको साँघुबाट उनीहरु चिप्लिएका हुन् ।

बिहीबार बेलुका ५ बजे उनीहरु खोलामा खसेको भए पनि शुक्रबार साँझमात्रै थाहा भएको थियो । घर हिँडेका आमाबुवा घर नपुगेपछि छोराछोरीले खोज्ने क्रममा अमृतको शव भेटाएका थिए । अमृतको शव साँघुदेखि १५ मिटर तल भेटिएको जिल्ला प्रहरी प्रमुख प्रहरी नायव उपरीक्षक सुमित खड्काले बताए । उनका अनुसार आफन्त, स्थानीय तथा प्रहरीले बेपत्ता तुलषाको खोजी जारी राखेको छ ।

उक्त खोलामा साँघु राखेको ५० मिटर तलमात्रै झोलुङ्गे पुल छ । झोलुङ्गे पुल पुग्न समय लाग्ने भएकाले साँघु तर्न खोजेको हुन सक्ने अनुमान गरिएको छ ।

प्रकाशित : भाद्र १५, २०७५ २०:३५
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT