श्रीलंकाका राष्ट्रपति लुम्बिनी आउनुपूर्व हतियार सहित दुई जना पक्राउ

अमृता अनमोल

बुटवल — श्रीलंकाका राष्ट्रपति मैत्रीपाला सिरिसेना लुम्बिनी भ्रमण आउनु पूर्व रुपन्देही प्रहरीले हतियार सहित दुई जनालाई पक्राउ गरेको छ।

पक्राउ पर्नेहरूमा कपिलवस्तु जिल्ला शुद्धोधन गाउँपालिका-५ का २० वर्षीय राजेन्द्र लोध र रुपन्देही जिल्ला गैडहवा गाउँपालिका-१ का २० वर्षीय सुनल कुमार यादव रहेका छन्। उनीहरूको साथबाट एक थान नलकटुवा पेस्तोल र एक थान चक्कु बरामद भएको छ । उनीहरूले प्रयोग लु ३९ प २९१९ नम्बर मोटरसाइकल समेत प्रहरीले नियन्त्रणमा लिएको छ।

Yamaha


दुई वटा मोटरसाइकलमा चार जनाको समूहमा कपिलवस्तुदेखि लुम्बिनी पुगेका मध्ये दुई जना पक्राउ परेका छन् भने दुई जना फरार रहेका छन्। कपिलवस्तुबाट लुम्बिनी आउने क्रममा उनीहरुलाई लुम्बिनी सांस्कृतिक नगरपालिका-६ लोखडिया चोकबाट शुक्रबार राति नियन्त्रणमा लिइएको प्रहरीले स्रोतले बतायो।

श्रीलंकाका राष्ट्रपति लुम्बिनी आउनु अघि उनीहरू किन र के कारण हतियार बोकेर लुम्बिनी आए भन्ने विषय प्रहरीले अनुसन्धान गरिरहेको जनाएको छ। प्रहरीका अनुसार फरार अन्य दुई जना खोजी जारी छ।

श्रीलंकामा सशस्त्र विद्रोही समूह लिबरेसन अफ तमिल टाइगर इलम (लिट्टे) को अस्तित्व श्रीलंकामा नरहेपनि तमिल सामुदायको सञ्जाल संसारभर रहेकोले श्रीलंकाका राष्ट्रपतिलाई तामिल समूहबाट सुरक्षा खतरा रहेको सुरक्षा निकायले विश्लेषण गरेको छ।

सोही अनुसार लुम्बिनीको सुरक्षा व्यवस्था कडा पारिएको छ। राष्ट्रपतिको लुम्बिनी भ्रमणको क्रममा उनको सुरक्षाको लागि देशको चारवटै सुरक्षा निकाय नेपाल प्रहरी, सशस्त्र प्रहरी, नेपाल सेना र राष्ट्रिय अनुसन्धान विभागलाई परिचालन गरिएको छ।

Esewa Pasal

प्रकाशित : भाद्र १६, २०७५ १२:५९
प्रतिक्रिया
पठाउनुहोस्
ADVERTISEMENT

भारतमा पक्राउ परे गुण्डा दावा लामा

जनकराज सापकोटा, सुरेशराज न्यौपाने

काठमाडौँ/भारत — गुण्डागर्दीमा सक्रिय दावा लामा भनिने जितेन्द्र तामाङ पक्राउ परेका छन् । उच्च स्रोतका अनुसार भारतीय प्रहरीले उनलाई भारतको इन्दिरा गान्धी अन्तर्राष्ट्रिय विमानस्थलको ३ नम्बर टर्मिनलबाट पक्राउ गरेको हो । लामा दुबईबाट दिल्ली हुँदै काठमाडौं आउने क्रममा थिए ।

उनी सहित ३ जना टर्मिनलमा बसिरहेको बेला पक्राउ गरिएको हो। तीन जनासँगै रहेपनि भारतीय प्रहरीले २ जनालाई मात्रै पक्राउ गरेका छ।

पक्राउ परेका दुवै जनालाई एयरपोर्ट नजिकैको दिल्ली पुलिसको थानामा राखिएको छ। उच्च स्रोतका अनुसार लामालाई सुराकीको आधारमा समातिएको हो।

लामा तरुण दल काभ्रेका कार्यबाहक अध्यक्ष समेत हुन्। लामालाई पक्राउ गरिएकोमा नेपाली कांग्रेसको भातृ संगठन तरण दल विरोध गर्दै सकुशल रिहा गर्न माग गरेको छ।


निर्माण व्यवसायी महासंघका अध्यक्ष शरदकुमार गौचनको राजधानीकाे शान्तिनगरमा गोली हानी हत्या भएपछि प्रहरीले दावा लामाको खोजी गरेको थियो। उक्त हत्याकाण्डका मुख्य नाइके भनिएका बुटवलका मनोज पुनसँग दावाको प्रतिस्पर्धा रहेको आधारमा प्रहरीले उनीमाथि शंकाको सुई सोझ्याएको थियो।

जेठ १५ मा प्रहरी परिसर काठमाडौंले नेपालमा बसेर अन्तराष्ट्रिय फुटबल तथा क्रिकेट प्रतियोगिताको अनलाईन बेटिङ (सट्टेबाजी) गरेको आरोपमा पूर्व फुटबल खेलाडी तथा प्रशिक्षक अन्जन केसी सहित ६ जना पक्राउ गरेको थियो।

त्यसलगत्तै महानगरीय अपराध महाशाखाले असार १० मा आइपीएल क्रिकेटको अनलाइन सट्टेबाजीका मुख्य नाइके भनिएका नागराज भनिने नथमल अग्रवाललाई पक्राउ गरेको थियो।

लामालाई राखिएको दिल्लीस्थित प्रहरी भवन। तस्बिरः सुरेशराज न्यौपाने/कान्तिपुर

यी दुवै घटनामा प्रहरीले अनलाइन सट्टेबाजीमा दावा लामाको समेत संग्लनता रहेको बताएको थियो। उच्च स्रोतका अनुसार प्रहरीले लामालाई यस घटनालगत्तै खोजी गरिरहेको थियो।

अपराधको संसारमा लामाको नाम नयाँ भने होइन। गुण्डागर्दीको संसारमा परिचित काभ्रेका गणेश लामासँग निकट रहेको काम गरेका दावा पछिल्ला वर्षहरुमा भने आफैले गुण्डा समूह निर्माण गरेका थिए।

२०७३ चैतमा गौरीघाटको एक जिम क्लबबाट निस्कदै गर्दा लामामाथि गोली प्रहार भएको थियो। घुडाँमुनी गोली लागेर बाँचेका लामा अत्तरखेलमा रहेको मेडिकल कलेजमा उपचार गराएका थिए।

२०७१ भदौमा महानगरीय प्रहरी अपराध महाशाखा हनुमानढोकाले पनि लागू औषध बोकेको आरोपमा लामालाई समातेको थियो। त्यसबेला लामामाथि ललितपुरका व्यपारी राजन श्रेष्ठमाथि खुकुरी प्रहार गरेको आरोप लागेको थियो।

प्रकाशित : भाद्र १६, २०७५ १२:५१
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT