पश्चिम सेती तामाकोसी मोडेलमा बनाऊ : देउवा

उनले ऊर्जामन्त्री वर्षमान पुन र लगानी बोर्डका प्रमुख कार्यकारी अधिकृत महाप्रसाद अधिकारीलाई फोन गरी तामाकोसी मोडेल सफल रहेको उदाहरण दिँदै त्यही ढाँचामा पश्चिम सेती आयोजना अघि बढाउन आग्रह गरेका हुन् । ‘सरकार, नेपाली जनता र स्थानीयवासीको लगानीमा बनिरहेको ४५६ मेगावाटको माथिल्लो तामाकोसीको मोडेल सफल र उदाहरणीय छ,’ देउवाको भनाइ थियो, ‘पश्चिम सेती पनि सरकार, नेपाली जनता र स्थानीयवासीको सेयरमा निर्माण गर्ने प्रक्रिया अघि बढाऔं । त्यसरी बनाउँदा आयोजना सफल हुन्छ ।’

देउवाले शनिबार टिवट गरी पश्चिम सेतीलाई तामाकोसी मोडेलमा बनाउन सकिने उल्लेख गरेका छन् । ‘पश्चिम सेती जलाशययुक्त आयोजनाले सुदूरपश्चिमलाई मात्र होइन सिंगै मुलुकको कायाकल्प गर्नेछ । त्यही कारण परिवर्तित सन्दर्भमा पश्चिम सेतीलाई माथिल्लो तामाकोसी आयोजना बनाएजसरी नै नेपाली जनताबाट निर्माण गर्न सकिन्छ ।’