काठमाडाैं विमानस्थल १२ घण्टापछि संचालनमा

सुरज कुँवर

काठमाडौँ — शनिबार राति ८:३५ देखि अवरुद्ध त्रिभुवन अन्तराष्ट्रिय विमानस्थल १२ घण्टापछि संचालनमा अाएकाे छ । अवतरणका क्रममा चिप्लिएर घाँसे मैदानतर्फ धाँसिएकाे यती एयरलाइन्सकाे विमान हटाएपछि विमानस्थल संचालनमा अाएकाे हाे ।

मुलुककाे एकमात्र अन्तरराष्ट्रिय विमानस्थल बन्द भएपछि शनिबार रातियता अान्तरिक र अन्तरराष्ट्रिय उडान ठप्प भएकाथिए।

नेपालगञ्जबाट काठमाडाैं उत्रिएकाे उक्त विमानमा चालक दलसहित २१ जना यात्रु थिए। जहाजमा रहेका ५ यात्रुलाई सामान्य चोट लागेकोथियाे। चालक दल र अरु यात्रुको अवस्था सामान्य छ। अवतरणका क्रममा जहाज चिप्लिँदा अगाडिकाे ल्याडिंग गियर भाँच्चिदाँ विमान धावनमार्गमै अड्किएकाे थियाे।

Yamaha


विमानस्थलका महाप्रबन्धक राजकुमार क्षेत्रीले बिहान ८:३० बजे चिप्लिएकाे विमान धावनमार्गबाट हटाएर विमानस्थल संचालनमा अाएकाे बताए। लगातारकाे वर्षा र हिलाेका कारण विमान हटाउन ढिलाई भएकाे थियाे। दर्जनाैं उडान राेकिँदा सयाै‌ं यात्रु विमानस्थलमा अलपत्र परेका थिए।

Esewa Pasal

प्रकाशित : भाद्र १७, २०७५ ०८:३९
ADVERTISEMENT
प्रतिक्रिया
पठाउनुहोस्
ADVERTISEMENT

काठमाडाैं विमानस्थल ११ घण्टादेखि अवरुद्ध

सुरज कुँवर

काठमाडौँ — शनिबार राति ८ बजेर ३५ मिनेटदेखि अवरुद्ध भएकाे त्रिभुवन अन्तराष्ट्रिय विमानस्थल अझै संचालनमा अाएकाे छैन । अवतरणका क्रममा चिप्लिएर घाँसे मैदानतर्फ धाँसिएकाे यती एयरलाइन्सकाे विमान हटाउने प्रयास जारी छ ।

मुलुककाे एकमात्र अन्तरराष्ट्रिय विमानस्थल बन्द भएपछि शनिबार रातियता २ दर्जन बढी अान्तरिक र अन्तरराष्ट्रिय उडान ठप्प भएका छन्। यी उडानबाट काठमाडाैं बाहिर जाने सयाैं यात्रु त्रिभुवन विमानस्थलमा अलपत्र परेका छन्।

विमानलाई धावनमार्गबाट निकाल्न कठिनाई भइरहेकाे एक पाइलटले बताए। उनका अनुसार यस विमानकाे ल्याण्डिङ गियर भाँचिएकाे छ। अर्काे पांग्रा फेर्न सक्ने सम्भावना छैन। लगातारकाे वर्षा र हिलाेकाे कारण जहाज निकाल्न कठिनाई भइरहेकाे उनले बताए।

उक्त विमानमा चालक दलसहित २१ जना यात्रु थिए। याे विमान नेपालगञ्जबाट क्याप्टेन लाभिस च्नद र भर्खरै क्याप्टेन भएकी एलिसा सिजापतिले उडाएका थिए।

विमानस्थलका महाप्रबन्धक राजकुमार क्षेत्रीले बिहान ८ बजे दिएकाे जानकारी अनुसार १५ मिनेटभित्रमा विमानस्थल सुचारु हुने बताएका छन् । उनले जहाजलाई निकाल्ने काम सकिन लागेकाे बताए ।

प्रकाशित : भाद्र १७, २०७५ ०७:२९
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT