जनभावना अनुसार संहिता सुधार हुनुपर्छ : देउवा
चितवन — कांग्रेस सभापति तथा पूर्व प्रधानमन्त्री शेरबहादुर देउवाले मुलुकी ऐनलाई हटाएर नयाँ कानुन बनाउने विषयमा सबै पक्ष जानकार भएको बताएका छन् ।
नेपाल प्रेस युनियन चितवन शाखाले सोमबार बिहान भरतपुरमा आयोजना गरेको पत्रकार सम्मेलनमा सभापति देउवाले नयाँ सहिता आउने बारे सरोकारवाला सबैलाई पहिल्यै जानकारी रहेको बताए ।
भदौ १ गतेदेखि नयाँ देवानी संहिता र फौजदारी संहिता लागु भएको छ । उक्त कानुन एक वर्षअघि नै पारित भएको थियो ।
नयाँ फौजदारी संहिताले आफूहरुलाई अपराधी सरह बनाउने भन्दै चिकित्सकहरु कडा आन्दोलनमा उत्रिएका छन् । पत्रकारका संघ संस्था पनि विरोधमा छन् । सभापति देउवाले यो विषय जनभावना र जनताको आवाज अनुसार सुधार हुनु पर्ने बताए ।
प्रकाशित : भाद्र १८, २०७५ ०९:३९