राहदानीमा त्रुटि : राष्ट्रियता तिब्बतीयन, धादिङकाे ठेगानामा डाेटी

हरिहरसिंह राठौर

धादिङ — परराष्ट्र मन्त्रालयबाट आफ्नो नाममा जारी राहदानीमा ठेगाना र राष्ट्रियता नै फरक लेखिएको हात परे पछि गजुरी–१ कि स्थायी बासिन्दा मुक्तिकला लामिछाने छक्क परिन् र फेरि जिल्ला प्रशासनमै पुगिन् ।

राहदानी बिभागबाट गलत विवरण छापिएकाे लामिछानेकाे पासपाेर्ट । 

परराष्ट्र मन्त्रालयकाे राहदानी विभागले लामिछानेलाई तिब्बती नागरिकको रुपमा पासपोर्ट जारी गरेको छ।

Yamaha

नेपाली नागरिकलाई तिव्बतीयन भन्दै राहदानी विभागले पासपोर्ट जारी गरि दिएपछि लामिछानेराहदानीका कारण तनावमा छिन्। विभागले जारी गरेको राहदानीको मुख्य पृष्ठमा उनको नाम मुक्तिकला लामिछाने लेखिएको छ भने अर्को पानामा नाम मोक्तिकला लेखिएको छ। त्यति मात्र होइन लामिछानेको ठेगाना गजुरी बजार–१ गजुरी डोटी लेखिएको छ र राष्ट्रियता तिब्बतियन भनेर लेखिएको छ।

स्नातकोत्तर तह अध्ययन पुरा गरेकी लामिछानेले आफूले बुझाएको राहदानी आवेदन फाराममा त्यस्तो कुनै गल्ती नभएको दाबी गरिन्। ‘मैले पटक पटक पढेर फाराममा सही गरेकी थिए, लेखपढ गर्न नसक्ने व्यक्ति भए त झुक्किए होलान् भन्न सकिन्थ्यो,’ उनले भनिन्, ‘फाराम गल्ती भए जिल्ला प्रशासनबाट आवेदन स्वीकृत हुँदैन्थ्यो।’

उनले गत साउन २५ गते जिल्ला प्रशासन कार्यालय धादिङमा आवेदन फाराम बुझाएकी थिइन्। भदौ १५ गते जिल्ला प्रशासन कार्यालयबाट पासपोर्ट बुझ्दा आफूलाई तिब्बती नागरिकको रुपमा पासपोर्ट बनेर आएको लामिछानेले बताइन्।
जिल्ला प्रशासन कार्यालयले विभागको गल्तीले पासपोर्ट बिग्रिएकाले विभागमै गएर तत्काल अर्को पासपोर्ट लिन लामिछानेलाई सुझाव दिएकाे छ । ‘गलत विवरणसहितको पासपोर्ट राहदानी विभागमै फर्काएर अर्को लिनलाई सिफारिस गरेका छौं,’ सहायक प्रमुख जिल्ला अधिकारी धोलकराज ढकालले भने।

Esewa Pasal

प्रकाशित : भाद्र १८, २०७५ १३:४६
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

नदी किनारमा शव फेला 

भवानी भट्ट

कञ्चनपुर — कञ्चनपुरको शुक्लाफाँटा नगरपालिका–५ को राधा नदी किनारमा एकजना मृत अवस्थामा भेटिएका छन् ।

भीमदत्त नगरपालिका–२ उल्टाखामका ४५ वर्षीय कल्याण पार्की सोमबार नदी किनारमा मृत अवस्थामा भेटिएको जिल्ला प्रहरी कार्यालय कञ्चनपुरका डिएसपी कृष्णराज ओझाले बताए ।

४ दिनदेखि बेपत्ता पार्कीको शव दुईरतीन दिन पुरानो हुन सक्ने प्रहरीले जनाएको छ । शव पुरानो भएका कारण पहिचान गर्न समेत समस्या भएको डिएसपी ओझाले बताए ।

प्रकाशित : भाद्र १८, २०७५ १३:०८
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT