कञ्चनपुर घट्नामा कांग्रेसले भन्यो : प्रारम्भदेखि नै स्थानीय प्रशासनको गम्भीरता देखिएन 

कान्तिपुर संवाददाता

काठमाडौँ — प्रमुख प्रतिपक्षी नेपाली कांग्रेसले कञ्चनपुर घटनालाई स्थानीय प्रशासनले प्रारम्भदेखिनै गम्भिरता पूर्वक नलिएको बताएको छ । कांग्रेस नेता एवं सांसद दिलेन्द्र बडुले घट्नाको स्थलगत अध्ययनपछि सोमबार संसदमा बोल्दै प्रहरीले छानविनमा ढिलाई गर्दै मुद्दालाई फितलो बनाउने काम गरेको बताए । 

‘घटनालाई ढाकछोप गरेको भन्ने पीडित परिवार र जनताको गुनासो स्पष्ट सुनियो’ उनले भने, ‘हामीले अध्ययन गर्दा समेत त्यस्तै पाईयो।’

Yamaha

कांग्रेस केन्द्रीय कार्यसमितिको बैठकले कञ्चनपुर घट्नाको स्थलगत अध्ययनका लागि बडु र अर्का सदस्य बीरवहादुर बलायरलाई खटाएको थियो। फर्केपछि उनीहरुले प्रधानमन्त्री केपी ओली शर्मालाई भेटेरै घट्नास्थलको बास्तविकता समेत जानकारी गराएका छन।

‘अब सशक्त आन्दोलनमा जानु पर्ने र राष्ट्रले थप क्षति व्यहोर्नु पर्ने अप्रिय स्थित आउन नदिनेतर्फ जिम्मेबारी बन्न सरकारको ध्यानआकर्षण गराउन चाहन्छौं’ बडुले संसदमा भने।
प्रतिवेदनको पूर्णपाठ:

प्रकाशित : भाद्र १८, २०७५ १५:३४
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

पुल तर्नै मुस्किल !

अनिश तिवारी

सिन्धुपाल्चोक — अविरल वर्षाका कारण जताततै पहिरोले सडक र हिँड्ने गोरेटो बगाएपछि बालबालिकालाई कठिनाइ परेको छ । त्यसमा पनि वर्खायाममा उर्लेको खोला माथिको झोलुंगे पुलको नाजुक अवस्थाले गाउँलेलाई सास्ती थपिदिएको छ ।

‘घण्टौं हिँडेर पहिरो छल्दै पढ्न आउछौँ, त्यसैमाथि यो जोखिमपूर्ण पुल तर्नै मुस्किल पर्छ,’ बाह्रबिसे नपा घुम्थाङबाट पढाइ सकेर घर मानेश्वारा फर्केकी कक्षा ४ मा अध्ययनरत कविता तामाङले भनिन्।
घण्टौं हिँडेर गाउँबाट तल झर्नुपर्ने र त्यसैमाथि पुलको काठजति सबै बगाएपछि डण्डीमा टेकेको भरमा आउजाउ गरिरहेको उनले सुनाइन्। बाह्रबिसे नगरपालिका-७ स्थित पहिरेखोलाले पुलको टाँगिएका सबै काठ बगाएर बीचको फलामे डण्डिमात्रै बाँकी राखेको छ।
‘छेउमा समातेर तर्नै डर लाग्छ, खुट्टा डण्डिभित्रबाट तल छिर्‍यो भने घाइते होइन्छ, त्यसैले दिनहुँ पार गर्नकै पिरलो हुने गर्छ, ’उनले भनिन्।
उनीजस्ता झण्डै २० बालबालिका यस्तै समस्या ब्यहोर्न बाध्य छन्। पहिरेखोला तर्नको लागि अरु माध्यम नभएका कारणले जोखिमपूर्ण पुल तरेर घर आउने गरेको भद्रकाली माध्यमिक विद्यालयको कक्षा ५ का छात्र सन्तोष तामाङले बताए। ‘बर्खापछि यस्तै समस्याले च्याप्छ , चाडै पुलको मर्मतलाई थालिए सहज हुने थियो,’ उनले भने।
स्थानीय शिक्षक रामचन्द्र पौडेलका अनुसार पहिरे खोलामा आएको बाढीले पुललाई क्षतिग्रस्त बनाएपछि बालबालिकालाई तर्नै मुस्किल बनेको छ। ‘खोलामा बालबालिका, वृद्धदेखि सबैलाई आउजाउ गर्न सकस बनेको छ, चाडै मर्मत नगरिए दुर्घटना निम्तन सक्छ,’ उनले भने।
वडाध्यक्ष मिनबहादुर श्रेष्ठले हप्तादिनमा पुललाई मर्मत गर्ने कार्यमा पहलकदमी लिने बताए।
‘उपभोक्ता समितिको विवादले काम नथालिएको हो, अब केही समयमा नै काम गर्ने समिति बनाएर कार्यलाई अगाडि बढाइनेछ ,’उनले भने। उनले वडाबाट पहिरे पुललाई दुई लाख बजेट छुट्याए काम थाल्ने सुनाए।
‘अरु दुई पुल पनि मर्मत गर्नुपर्ने भएको छ,’ उनले भने।

प्रकाशित : भाद्र १८, २०७५ १५:१९
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT