पुलको पिच उप्कियो

फलामे बेलिब्रिजमा ठडयाइएका पाता, नट–बोल्टहरूमा खिया
कृष्ण थापा

त्रिशूली (नुवाकोट) — पाँच दशकभन्दा अघि निर्माण गरिएको त्रिशूली नदीमाथिको पुल जोखिममा छ । पुलमाथि गरेको पिच चार ठाउँमा प्वाल परेको छ । वर्षाले पिच उप्केको छ ।

उक्त फलामे बेलिब्रिजमा ठडयाइएका पाता, नटबोल्टहरूमा खिया लागेका छन् । क्षमताभन्दा बढी भारवहन सवारी पुल हँुदै आवतजावत गर्छन् ।

सुरुमा ८ टन भार क्षमता भएका गाडी गुड्थे । अहिले ४० टनभन्दा बढी सामान लिएर गाडी गुड्ने गरेको विदुर नगरपालिका १ ढुंगेका स्थानीयवासी तथा जिसस सदस्य गणेश शाहीले बताए । ‘पुल एकदमै जोखिममा छ,’ उनले भने, ‘कुनै पनि बेला पुलमा ठूलो दुर्घटना
हुन सक्छ ।’ वैकल्पिक व्यवस्था गरेर नयाँ पुल हाल्न स्थानीयको माग छ ।

Yamaha

पुल बनाउन त्रिशूली जलविद्युत् गृह छेउको जग्गा लिने तयारी भए पनि सुरु भएको छैन । पुलको वारि र पारि पक्की घरैघर बनेका छन् । पुल जीर्ण भइसकेको छ । पुलमा दैनिक सानाठूला गरी ६/७ सय सवारी साधन आवतजावत गर्ने गरेको ट्राफिक कार्यालय प्रमुख शम्भुबहादुर अधिकारीले बताए । ‘पुल एकदमै जोखिममा छ,’ ट्राफिक कार्यालय प्रमुख अधिकारीले भने, छिटै विकल्प नसोचे दुर्घटना हुन सक्छ ।’

यही पुल हुँदै किस्पाङ, मेघाङ, त्रिशूली कोलनी बजार, त्रिशूली पुरानो बजार, नयाँ बजारस्थित स्थानीय, कर्मचारी र यात्रु आजतजावत गर्छन् । २०१८/१९ सालमा हालिएको झोलुंगे पुल बाढीले बगाएपछि यो पुल २०२० सालमा बनाइएको थियो ।

त्रिशूली जलविद्युत् आयोजनाले २०१६–१९ सालमा काठमाडौं–त्रिशूली सडक ट्रयाक निर्माण अन्तिम चरणमा पुगेपछि उक्त पुल निर्माण गरेको हो । २१ मेगावाट क्षमताको त्रिशूली जलविद्युत् आयोजना निर्माणको क्रममा भारतीय सहयोगमा उक्त बेलिब्रिज हालिएको थियो ।

प्रकाशित : भाद्र २०, २०७५ ०७:२८
ADVERTISEMENT
प्रतिक्रिया
पठाउनुहोस्
ADVERTISEMENT

प्रदेशबाटै निरक्षर हटाइने

कान्तिपुर संवाददाता

बुटवल — साक्षर घोषणा नभएका जिल्लालाई साक्षर बनाउने र साक्षर घोषणा भएकामा निरन्तर साक्षरता कक्षामार्फत छुटेकालाई सिकाउने गरी प्रदेश सरकारले साक्षर प्रदेश बनाउने अभियान थालेको छ ।

व्यक्ति निरक्षर हुनु स्वयं व्यक्तिको मात्रै नभई ३ वटै सरकारको लाजको विषय भएकाले यसलाई हटाउन प्रदेश सरकारले अभियान थालेको सामाजिक विकास मन्त्री सुदर्शन बरालले बताए । यसमा स्थानीय तह, प्रदेश सरकार र संघीय सरकारले संयुक्त रूपमा काम गर्नेे छन् ।

प्रदेशमा रहेका १२ मध्ये कपिलवस्तु र बाँके जिल्ला साक्षरता घोषणा हुन बाँकी छन् । यी जिल्लामा स्थानीय तहको समन्वयमा प्रदेशसँगै संघीय सरकारले साक्षरता कक्षा चलाउने भएको छ । साक्षरता कक्षा लिएका तर नसिकेका व्यक्तिको नाम संकलन गरी उनीहरूका लागि पुन: कक्षा चलाइनेछ । यसमा विद्यालयका शिक्षक, सामाजिक कार्यकर्तादेखि जनप्रतिनिधि खट्नेछन् । साक्षरता कक्षा चलाएर र स्रोत व्यक्ति राखेर मात्रै सबै व्यक्ति पढ्न नआउने भएकाले सबैलाई समेट्न जनप्रतिनिधि नै साक्षरता कक्षामा खट्ने योजना ल्याएको मन्त्री बरालले बताए ।

प्रदेश संसद्को सामाजिक विकास समितिका संयोजक दीर्घनारायण पाण्डेले सबै नागरिकलाई साक्षर बनाउन स्थानीय सरकारका प्रमुखहरूलाई बढी जिम्मेवार बनाउने बताए । नागरिक साक्षर हुनुको सबैभन्दा बढी फाइदा स्थानीय तहलाई हुने भएकाले उनीहरू जिम्मेबार हुनुपर्ने उनले बताए ।

९५ प्रतिशत नागरिक लेखपढ गर्न जान्ने भएपछि साक्षर पालिका वा जिल्ला घोषणा गर्न सकिन्छ । पछिल्लो तथ्यांक अनुसार कपिलवस्तुमा १६ हजार ५ सय ९४ जना निरक्षर छन् ।

प्रकाशित : भाद्र २०, २०७५ ०७:२७
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT