समाचार
भाद्र २१, २०७५

मन्त्रिपरिषद बैठक : उपराष्ट्रपति कार्यालय सारिने

सरकारले उपराष्ट्रपति कार्यालयलाई लैनचौर स्थित समाज कल्याण परिषद रहेको परिसर भित्र सार्ने भएको छ । मन्त्रीपरिषदको बिहीबार बेलुकी बसेको बैठकले प्रहरी तालिम केन्द्रलाई काभ्रेको पनौती र उपराष्ट्रपति कार्यालयलाई लैनचौर सार्ने निर्णय गरेको संघीय मामिला तथा सामान्य प्रशासन मन्त्री लालबाबु पण्डितले जानकारी दिए ।

मुख्यमन्त्रीहरूको भेला : अधिकार दिन केन्द्र अनुदार

प्रदेशका मुख्यमन्त्रीहरूले अधिकार प्रत्यायोजनमा केन्द्र सरकार अनुदार बनेको बताएका छन् । केन्द्रले अधिकार बाँडफाँट नगर्दा काम गर्नै समस्या भएको उनीहरूको गुनासो छ ।

राजधानीका महत्वपूर्ण पार्क नै लथालिंग

बालाजुका ६५ वर्षीय सिद्धि मानान्धरलाई कुनै वेला बालाजु पार्क मनोरन्जन गर्ने थलो थियो । विगत २० वर्षदेखि बालाजु पार्कमा मर्निङवाक गर्दै आएका उनलाई पार्कको अवस्था हेर्दा निकै दिक्क लागेर आउँछ । उचित संरक्षणका अभावमा पार्कको अवस्था लथालिंग भएको उनले बताए । 

किशोरी बलात्कार र हत्या प्रकरणको अनुसन्धानमा व्यापक त्रुटि : आयोग

राष्ट्रिय मानव अधिकार आयोगले बलात्कारपछि हत्या गरिएकी कञ्चनपुरको भीमदत्त २, उल्टाखामकी १३ वर्षीया निर्मला पन्त हत्याको प्रारम्भिक अनुसन्धामा व्यापक त्रुटि भएको निष्कर्ष निकालेको छ ।

दिल्ली उत्रिए लगत्तै दाहाल भेटघाटमा व्यस्त

नेकपा अध्यक्ष पुष्पकमल दाहाल तीनदिने भारत भ्रमणका लागि बिहीबार दिउँसो दिल्ली आइपुगेका छन् । दिल्ली उत्रिए लगत्तै उनी भेटघाटमा व्यस्त भएका छन् । 

ADVERTISEMENT

त्रिविमा तोडफोड

परीक्षाअगावै प्रश्नपत्र बाहिरिएको घटना छानबिनमा आलटाल गरेको भन्दै विद्यार्थीहरुले त्रिभुवन विश्वविद्यालय उपकुलपतिको कार्यालय तोडफोड गरेका छन् । 

गुण्डागर्दीका विभिन्न घटनामा संग्लन ‘बाघे’ पक्राउ

शृंखलाबद्ध रुपमा गुण्डागर्दी र चन्दा असुलीमा सक्रिय ‘बाघे’ भनेर चिनिने गुण्डा सुकबहादुर तामाङ पक्राउ परका छन् । महानगरीय प्रहरी परिसर काठमाडौंले उनलाई स्वयम्भु क्षेत्रबाट पक्राउ गरेको हो ।

कान्तिपुरकर्मी अवस्थीलाई आर्थिक पत्रकारिता पुरस्कार 

डा. हरिहरदेव पन्त आर्थिक पत्रकारिता पुरस्कार कान्तिपुर दैनिकका आर्थिक सम्पादक गोकर्ण अवस्थीलाई प्रदान गरिएको छ । स्वर्गीय हरिहरदेव पन्तको तेस्रो वार्षिक पूण्य स्मृतिका अवसरमा हरिहरदेव पन्त फाउण्डेसनले बिहीबार अवस्थीलाई उक्त पुरस्कार प्रदान गरेको हो । 

बंगलादेशले नेपालबाट ९ हजार मेगावाट विद्युत किन्ने 

बंगलादेशले नेपालबाट ९ हजार मेगावाट विद्युत खरिद गर्ने भएको छ । उसले सन् २०४० भित्र ९ हजार मेगावाट नेपालबाट विद्युत खरिद गर्ने योजना अघि सारेको हो । बंगलादेशको उर्जा मन्त्रालय अन्तर्गतको पावर डिभिजनले सार्वजनिक गरेको योजनामा नेपालबाट २०४० भित्र ९ हजार मेगावाट विद्युत आयात गर्ने उल्लेख छ । 

सिंहदरबारका कर्मचारीमा उच्च रक्तचाप र मधुमेहको समस्या बढी

सिंहदरबार भित्र कार्यरत सरकारी कर्मचारीहरुमध्ये धेरैमा उच्च रक्तचाप समस्या रहेको पाइएको छ भने त्यसपछि मधुमेह रहेको देखिएको छ ।

ADVERTISEMENT
ADVERTISEMENT

पूर्व युवराज्ञी हिमानीकाे ट्रष्टले बनाएको विद्यालय भवन पूर्व रानी कोमलद्वारा हस्तान्तरण

पूर्व राजपरिवारका सदस्य बिहीबार एकै मञ्चमा देखिए । पालुङटार नगरपालिका–५ ठाँटीपोखरीस्थित भवानी माविको विद्यालय भवन उद्घाटन कार्यक्रममा पूर्व रानी कोमल शाह, पूर्व युवराज पारस शाह र पूर्व युवराज्ञी हिमानी शाह सरिक भए । 

चिकित्सक संघका अध्यक्षद्वारा सरकारी सेवाबाट राजीनामा

पूर्णरुपमा राजनीतिमा लाग्न भन्दै नेपाल चिकित्सक संघका अध्यक्ष मुक्तिराम श्रेष्ठले सरकारी सेवाबाट राजीनामा दिएका छन् । 

चट्याङले बालकको मृत्यु, दुई जना घाइते

मकवानपुरका छुट्टाछुट्टै स्थानमा बिहीबार पानी र हावाहुरीसँगै परेकाे चट्याङ लागेर एक बालकको मृत्यु भएको छ । २ जना घाइते भएका छन् । 

सिंहदरबार प्रवेशमा कडाइ

सरकारले सिंहदरबार प्रवेशमा कडाइ गर्न थालेको छ । सुरक्षा संवेदनशीलतालाई ध्यानमा राख्दै सिंहदरबार प्रवेश गर्नेहरुलाई चेकिङ गर्न थालिएको हाे ।

ADVERTISEMENT

पुनर्निर्माण प्राधिकरण निर्देशक समितिको बैठक सुरु

राष्ट्रिय पुनर्निर्माण प्राधिकरण निर्देशक समितिको बैठक सिंहदरबारमा सुरु भएको छ । प्रधानमन्त्री तथा प्राधिकरणका निर्देशक समितिका अध्यक्ष केपी शर्मा ओलीको अध्यक्षतामा सिंहदरबारस्थित प्रधानमन्त्री कार्यालयमा बैठक सुरु भएको हो ।

राष्ट्रपति चुरे संरक्षण : स्थानीय तहमा १ अर्ब ४२ करोडको कार्यक्रम

राष्ट्रपति चुरे संरक्षण कार्यक्रम अब स्थानीय तहमार्फत सञ्चालन हुने भएको छ । यसका लागि १ अर्ब ४२ करोड रुपैयाँ खर्च गरिँदै छ । राष्ट्रपति चुरे तराई–मधेस संरक्षण विकास समितिले यसअघि झापादेखि कञ्चनपुरसम्मका जिल्ला वन, वनस्पति, कृषि, पशु, जल उत्पन्न प्रकोप, सिँचाइलगायत कार्यालयमार्फत वार्षिक कार्यक्रम चलाउँदै आएको थियो ।

पोखरामा मुख्यमन्त्रीहरुको पहिलो भेला

सात वटै प्रदेशका मुख्यमन्त्रीहरुको प्रथम भेला पोखरामा सुरु भएको छ । गण्डकी प्रदेशको मुख्यमन्त्री तथा मन्त्रीपरिषद्को आयोजनामा बिहीबार भेला आयोजना गरिएको हो ।  

डेढ वर्षअघि नै बन्यो पुल

मरिन गाउँपालिकाको कपिलाकोट–कल्पवृक्ष जोड्ने पक्की पुल सम्झौता अवधि अघि नै निर्माण सकिएको छ । ०७३ असार २९ गते ठेक्का सम्झौता भएको पुल २०७६ पुस २८ सम्म सक्नुपर्ने थियो ।

देउवाद्वारा कार्यसम्पादन समिति गठन तयारी

कांग्रेस सभापति शेरबहादुर देउवाले संस्थापनइतर पक्षलाई ४० प्रतिशत सदस्य दिने गरी केन्द्रीय कार्यसम्पादन समिति गठनको गृहकार्य थालेका छन् ।

संवैधानिक इजलासमा कस्ता मुद्दा ?

कस्ता मुद्दा संवैधानिक इजलासमा पठाउने भन्ने विषयमा सर्वोच्च अदालतमा दुई न्यायाधीशबीच राय बाझिएको छ । स्वास्थ्य सेवाका कविराजहरूले दायर गरेको मुद्दाको सुनुवाइका क्रममा राय बाझिएपछि उक्त मुद्दा सर्वोच्चकै पूर्ण इजलासमा पेस भएको छ ।

कतारले हटायो ‘एक्जिट परमिट’

कतारले कामदार स्वदेश फर्कंदा रोजगारदाताबाट अनिवार्य अनुमति (एक्जिट परमिट) लिनुपर्ने प्रावधान हटाएको छ । कतारका अमिर शेख तमिम विन हमाद अलथानीले एक्जिट पेपरसम्बन्धी कानुनलाई मंगलबार प्रमाणीकरण गरेका हुन् ।

खोसियो विद्यार्थीकाे खाजा

२०६७ सालदेखि प्राथमिक तहका विद्यार्थीलाई दिइँदै आएको दिवाखाजा कार्यक्रम मन्त्रिपरिषद्ले कटौती गर्ने निर्णय गरेपछि १३ लाख बालबालिका प्रभावित हुने भएका छन् ।

कृषि पर्यटनका लागि पन्छीपालन

लामो समय उनी होटल व्यवसायमा भुले । थोरबहुत पैसा पनि कमाए । पैसा कमाए पनि खजुरा गाउँपालिका–३ का प्रेम खरेलको मन रत्तिएन । चार वर्षदेखि उनी पशुपन्छी फार्ममा छन्, त्यसमा भने अचम्मै खुसी भेटिरहेका छन् ।

ADVERTISEMENT

भारतका पूर्वप्रधानमन्त्री देवेगौडा आउँदै

भारतका पूर्वप्रधानमन्त्री एचडी देवेगौडा पशुपति दर्शनका लागि बिहीबार काठमाडौं आउँदै छन् । अन्तर्राष्ट्रिय मैत्री समाजको निमन्त्रणामा उनी नेपाल एयरलाइन्सबाट बैंङलोर हुँदै काठमाडौं उत्रनेछन् ।

टिपरले दाजुभाइको लियो ज्यान

बालुवा बोकेको अनियन्त्रित टिपरले हिर्काउँदा पूर्वपश्चिम राजमार्गको धारापानीमा दाजुभाइको मृत्यु भएको छ । मोटरसाइकलमा यात्रारत दाजुभाइलाई तीव्र गतिमा रहेका टिपरले किचेको थियो ।

स्थानीय तहमा टिक्दैनन् कार्यकारी प्रमुख

सोलुखुम्बुको सोलु दूधकुण्ड नगरपालिकामा जनप्रतिनिधि निर्वाचित भएको १५ महिनामा ४ जना कार्यकारी प्रमुख फेरिए । सिन्धुलीको फिक्कल गाउँपालिकाका ६ वटै वडामा सचिव छैनन् ।